Indian Army : नगर : ठाणे-अहमदनगर-नाशिक परिसरातील आजोबागड टेकडीवर शनिवारी (ता. १७) २४ तासांहून अधिक काळ अडकलेल्या १२ ट्रेकर्स यांच्या एसओएस कॉलला प्रतिसाद देत, अहिल्यानगरमधील भारतीय सैन्याच्या (Indian Army) अधिकाऱ्याने ताबडतोब स्थानिक प्रशासनाशी समन्वय साधला आणि संयुक्त बचाव मोहीम (Joint Rescue Operation) सुरू केली. या संयुक्त पथकाने १२ ट्रेकर्सला (Trekkers) सुखरुप सुरक्षित स्थळी नेले.
हे देखील वाचा: मुंबई महापालिका महापौर पदासाठी हालचालींना वेग;शिंदेंच्या शिवसेनेचे नगरसेवक उद्धव ठाकरेंच्या संपर्कात
जनतेच्या मदतीने संयुक्त बचाव व मदत मोहीम
या ट्रेकर्समध्ये नऊ पुरुष व तीन महिलांचा समावेश होता. स्थानिक प्रतिनिधी आणि जनतेच्या मदतीने पोलीस व वन विभाग (वन्यजीव) पथकांनी कठीण प्रदेशात संयुक्त बचाव व मदत मोहीम सुरू केली.
नक्की वाचा: महापालिकेत आता पाच ऐवजी सहा स्वीकृत सदस्य!
१२ ट्रेकर्सना सुरक्षितपणे शोधण्यात आले यश (Indian Army)
बारकाईने नियोजन, सातत्यपूर्ण नेव्हिगेशन आणि जवळच्या आंतर-एजन्सी समन्वयाद्वारे, सर्व १२ ट्रेकर्सना सुरक्षितपणे शोधण्यात आले. तसेच त्यांना सुरक्षित स्थळी खुमसेत गावातील तळावर पोहोचवण्यात आले. या कारवाईची सध्या सर्वत्र चर्चा आहे.
