नगर : बॉलिवूडची आघाडीची अभिनेत्री असलेली दीपिका पदुकोण व रणवीर सिंह (Ranveer Singh) हे ऑनस्क्रीनबरोबरच ऑफस्क्रीन केमिस्ट्रीमुळे दोघे नेहमीच चर्चेत असतात. आदर्श जोडी म्हणून दोघांकडे बघितले जाते. वेगवेगळे फोटो व व्हिडीओ शेअर करत ते चाहत्यांना अपडेट देत असतात. आता दीपिकाने तिच्या चाहत्यांना एक गुडन्यूज दिली आहे.
नक्की वाचा : ठरलं तर मग ! तापसी पन्नू लवकरच चढणार बोहल्यावर
दीपिका आणि रणवीर आई-बाबा होणार (Deepika Padukone)
दीपिका आणि रणवीर लवकरच आई-बाबा होणार आहेत. दीपिकाने सोशल मीडियावर पोस्ट शेअर करत ही गुडन्यूज दिली आहे. तीने इन्स्टाग्रामवर एक पोस्ट शेअर केली आहे. या पोस्टमध्ये तिने ‘सप्टेंबर २०२४’ असे लिहिले आहे व खाली तिचे व रणवीरचे नाव लिहिले आहे. तसेच या पोस्टमध्ये लहान बाळाचे कपडे व खेळण्यांचे चित्रही दिसत आहे. दीपिकाची ही पोस्ट सोशल मीडियावर मोठ्या प्रमाणात व्हायरल झाली आहे. या गुडन्यूज नंतर चाहत्यांबरोबरच बॉलीवूडमधील अनेक मंडळी तिचे अभिनंदन करताना दिसत आहेत.
अवश्य वाचा : अशोक सराफ यांना संगीत नाटक अकादमी पुरस्कार जाहीर
‘गोलियों की रासलीला राम-लीला’ या चित्रपटापासून रणवीर व दीपिकाची लव्हस्टोरी सुरू झाली होती. या चित्रपटात दोघांनी पहिल्यांदा एकत्र काम केले होते. त्यानंतर दोघे ‘बाजीराव-मस्तानी’ आणि ‘पद्मावत’ या चित्रपटात एकत्र झळकले. सहा वर्ष एकमेकांना डेट केल्यानंतर रणवीर व दीपिकाने १४ नोव्हेंबर २०१८ रोजी लग्न केले. इटलीमध्ये दोघांच्या शाही लग्नसोहळ्याचे आयोजन करण्यात आले होते. २०१५ मध्ये रणवीर आणि दीपिकाने गुपूचप साखरपुडाही केला होता.
‘फायटर’ चित्रपटात दीपिका झळकली दीपिका (Deepika Padukone)
दीपिका रणवीरच्या कामाबद्दल बोलायचे झाले तर २०२३ वर्ष दीपिका व रणवीरसाठी खूप खास ठरले. गेल्या वर्षी दीपिकाचे प्रदर्शित झालेले ‘पठाण’ व ‘जवान’ चित्रपटांनी बॉक्स ऑफिसवर जबरदस्त कमाई केली होती, तर रणवीरचा ‘रॉकी और रानी की प्रेम कहानी’ चित्रपटही हिट ठरला होता. २५ जानेवारीला प्रदर्शित झालेल्या ‘फायटर’ चित्रपटात दीपिका झळकली होती. तसेच तिचा ‘कल्कि २८९८ एडी’ व रोहित शेट्टी दिग्दर्शित ‘सिंघम अगेन’ चित्रपट लवकरच प्रेक्षकांच्या भेटीला येणार आहेत.