नगर : पंजाबमधील लुधियानात (Ludhiyana) धक्कादायक घटना घडली आहे. लुधियाना पश्चिमचे आमदार व आम आदमी पार्टीचे नेते गुरप्रीत बस्सी गोगी (Gurpreet bassi Gogi) यांचा गोळी लागून मृत्यू (Death) झाला आहे. त्यांना जखमी अवस्थेत दयानंद वैद्यकीय महाविद्यालय व रुग्णालयात दाखल करण्यात आलं होतं. मात्र, रुग्णालयात उपचारादरम्यान त्यांची प्राणज्योत मालवली. डॉक्टरांच्या एका पथकाने त्यांना वाचवण्यासाठी सर्व प्रकारचे प्रयत्न केले. मात्र, त्यांची स्थिती इतकी गंभीर होती की डॉक्टर त्यांना वाचवू शकले नाहीत.
नक्की वाचा : मुंबई ते शिर्डी पदयात्रेदरम्यान सहायक फौजदाराचा मृत्यू
गोगी यांचा रुग्णालयात उपचारादरम्यान मृत्यू (Punjab AAP MLA dies)
गोगी हे शुक्रवारी (ता.१०) रात्री एक कार्यक्रम आटपून घरी परतले होते. ते त्यांच्या खोलीत बसून जेवत असताना बंदूकीच्या गोळीचा मोठा आवाज कानावर पडला. त्यानंतर त्यांची पत्नी डॉ. सुखचन कौर गोगी या गुरप्रीत यांच्या खोलीत गेल्या. गुरप्रीत गोगी हे रक्ताच्या थारोळ्यात जमिनीवर कोसळले होते. सुखचन यांनी गुरप्रीत यांना ताबडतोब रुग्णालयात नेलं. मात्र, रुग्णालयात उपचारादरम्यान त्यांची प्राणज्योत मालवली.
अवश्य वाचा : ‘मुक्काम पोस्ट देवाचं घर’ चित्रपटातील ‘सुंदर परीवानी’ गाणं लाँच
या घटनेच्या प्राथमिक माहितीनुसार,गुरप्रीत बस्सी गोगी यांना त्यांच्याच पिस्तुलातून सुटलेली गोळी लागली असल्याची माहिती समोर आली आहे. गोळी कशी लागली हे अजून स्पष्ट झालेलं नाही. ज्या पिस्तुलातून सुटलेली गोळी त्यांना लागली होती. त्या पिस्तुलाचा गोगी यांच्याकडे परवाना होता.दरम्यान, गोगी यांना रुग्णालयात नेत असतानाच रुग्णालय प्रशासनाला सर्व माहिती पुरवण्यात आली होती. जेणेकरून रुग्णालयात डॉक्टरांचं पथक सज्ज असेल आणि त्यांच्यावर उपचार करण्यास वेळ लागणार नाही. मात्र,डॉक्टरांचे सर्व प्रयत्न अपयशी ठरले. पोलीस या घटनेचा अधिक तपास करत आहेत. कुटुंबातील सदस्यांच्या म्हणण्यानुसार,त्यांनी चुकून स्वतःवर गोळी झाडली.त्यांच्या डोक्यात गोळी लागली. शवविच्छेदन अहवाल आल्यानंतर मृत्यूचे कारण स्पष्ट होईल.
कोण आहेत गुरप्रीत गोगी? (Punjab AAP MLA dies)
गुरप्रीत बस्सी गोगी हे त्यांच्या समर्थकांमध्ये गोगी म्हणून प्रसिद्ध आहेत. ते पंजाबमधील लुधियाना पश्चिम विधानसभा मतदारसंघाचे आमदार होते. २०२२ च्या विधानसभा निवडणुकीत ते येथून विजयी झाले होते. या निवडणुकीत गुरप्रीत सिंह गोगी यांना सुमारे ४० हजार मते मिळाली. गोगी २०२२ च्या निवडणुकीपूर्वी आपमध्ये सामील झाले होते. याआधी ते २३ वर्षे काँग्रेस पक्षात होते. ते तीन वेळा महापालिकेत नगरसेवक होते. काँग्रेस सरकारच्या काळात गोगी यांना पंजाब स्मॉल इंडस्ट्रीज अँड एक्सपोर्ट कॉर्पोरेशनच्या अध्यक्षपदाची जबाबदारी देण्यात आली होती. याआधी ते २०१४ ते २०१९ या काळात काँग्रेसचे जिल्हाध्यक्षही होते.