Uncategorized

Abhishek Kalamkar : ‘ते’ कुटुंब नगर शहरातील गद्दार – अभिषेक कळमकर

Abhishek Kalamkar : 'ते' कुटुंब नगर शहरातील गद्दार - अभिषेक कळमकर

September 27, 2024

Abhishek Kalamkar : नगर : ज्येष्ठ नेते शरद पवार (Sharad Pawar) यांनी नगर शहरातील एका कुटुंबाला चार वेळा आमदारकी दिली. मात्र, त्यांनी शहरात काही विकासकामे केलेली नाहीत. राज्याप्रमाणे गद्दारीची उदाहरणे नगर शहरात वेळोवेळी दिसून आली. कधी भाजप (BJP) बरोबर जाऊन महापालिकेवर झेंडा फडकवण्यात आला. त्यांनी मागील नऊ वर्षांत विकासकामांसाठी निधी का आणला नाही. २०१४पासून का आणता आला नाही, असा सवाल राष्ट्रवादी काँग्रेसच्या शरद पवार गटाचे शहर जिल्हाध्यक्ष अभिषेक कळमकर (Abhishek Kalamkar) यांनी उपस्थित केला.

नक्की वाचा: पीएम किसानचा १८ वा हफ्ता ‘या’दिवशी येणार शेतकऱ्यांच्या खात्यात येणार

शिवस्वराज्य यात्रा आज नगर शहरात दाखल

राष्ट्रवादी काँग्रेसच्या शरद पवार गटाची शिवस्वराज्य यात्रा आज नगर शहरात दाखल झाली. या निमित्त शहरात आयोजित कार्यक्रम प्रसंगी अभिषेक कळमकर बोलत होते. राष्ट्रवादी काँग्रेस शरद पवार गटाचे प्रदेशाध्यक्ष जयंत पाटील, खासदार डॉ. अमोल कोल्हे, निलेश लंके, माजी आमदार दादा कळमकर, युवा प्रदेश अध्यक्ष मेहबुब शेख, जिल्हाध्यक्ष राजेंद्र फाळके आदी उपस्थित होते.

नगर शहरासाठी लवकरच ४० इलेक्ट्रिक बसेस - नीलेश लंके

नगर : केंद्र सरकारच्या प्रधानमंत्री ई बस सेवा योजनेअंतर्गत नगर शहरासाठी ४० इलेक्ट्रिकल बसला मंजुरी देण्यात आली आहे. लवकरच या बसेल नगर महापालिकेच्या सेवेत रूजू होणार असल्याची माहिती खासदार नीलेश लंके यांनी दिली. या उपक्रमामुळे सार्वजनिक वाहतूक क्षेत्रात एका नव्या युगाचे पाऊल पडणार असल्याचे लंके यांनी सांगितले.

महापालिकेचे अधिकारी तसेच केंद्र सरकारच्या अधिकाऱ्यांसमवेत या प्रकल्पासाठी अनेक बैठका होऊन त्यात सकारात्मक चर्चा झाल्या होत्या. त्याचाच परिपाक म्हणून या ४० बसेस मंजूर करण्यात आल्या आहेत. सार्वजनिक परिवहन सुधारण्यासाठी आपण कटीबध्द असल्याचे नमुद करून खासदार लंके म्हणाले, या उपक्रमामुळे शहरी व ग्रामीण या दोन्ही भागातील प्रवाशांना सोईस्कर आणि पर्यावरणपुरक वाहतूक उपलब्ध होणार आहे. प्रदुषण होणार नसल्याने वायू गुणवत्तेत सुधारणा होईल तसेच वाहतुकीची कोंडी कमी होण्यास मदत होईल. विशेषतः शेतकरी, विद्यार्थी, ग्रामीण भागातील प्रवासी या बस सेवेचा लाभ घेऊ शकतील. त्याबरोबरच औद्योगिक क्षेत्रालाही त्याचा फायदा होणार आहे. ही बस सेवा लवकर सुरू करण्यासाठी आम्ही प्रयत्नशील आहोत. या योजनेच्या अंमलबजावणीसाठी जिल्हाधिकारी तसेच परिवहन समितीशी चर्चा करण्यात येणार असल्याचे खासदार लंके यांनी सांगितले.

नऊ मीटर लांबीच्या या बसेसच्या चार्जिंगसाठी नगर शहर व केडगावमध्ये चार्जिंग स्टेशनची निर्मिती करण्यात येत आहे. पार्किंग डेपोही उपलब्ध करून देण्यात येणार आहे. नगर शहरातील नागरिकांना बसेसची सुविधा देताना शहरातील नागरिकांसाठी तसेच नगर शहरात येणाऱ्या नागरिकांसाठी शहरापासून सुमारे २५ किलोमिटर अंतरावरील महामार्गांवर ही बस सेवा सुरू करण्याचा विचार करण्यात येत आहे. ज्यामुळे महापालिकेच्या उत्पन्नात भर पडणार असल्याचे खासदार लंके यांनी स्पष्ट केले.

अवश्य वाचा: कॉपी करण्यासाठी माजी मंत्र्याने नेमला कन्सल्टंट : रोहित पवार

अभिषेक कळमकर म्हणाले, (Abhishek Kalamkar)

राज्यात पक्षाच्या फोडा फोडीच्या राजकारणानंतर राष्ट्रवादी काँग्रेसचे सर्व नगरसेवक सोडून गेले. तरी दादा कळमकरांच्या बरोबर एकनिष्ठ व ज्येष्ठ कार्यकर्ते राहिले. आमचे कुटुंब शरद पवार यांच्या बरोबर नेहमीच राहिले आहे. मी शिवसेनेत गेलो होतो. त्याला काय कारणे होती ही जनतेला माहिती आहे. आमच्या कुटुंबाने काही गद्दारी केली असेल तर मला तिकीट देऊ नका. आमच्या कुटुंबाने गद्दारी केलेली नाही. त्यांनी शहरभर जाहिरातींचे फलक लावत आहेत. जी कंपनी सर्वांत जास्त जाहिरात करते. त्यांंची विश्वासार्थता कमी झालेली असते. महाविकास आघाडीच्या पक्षांची अंतर्गत बैठका झाल्या आहेत. त्यामुळे आम्ही महाविकास आघाडीतील सर्व घटक पक्ष एक आहेत. महाविकास आघाडी नगर शहरात जो उमेदवार देईल त्याच्या पाठीमागे सर्व एकत्र उभे राहणार. नगर शहरातील नागरिक त्रस्त आहेत. शहरातील महिला, नागरिक भयभीत आहेत. शहरातील गुन्हेगार कोणाच्या वाहनांत फिरतात हे जनतेला माहिती आहे, अशी नाव न घेता टीकाही कळमकर यांनी केली.