Accident : श्रीगोंदा: तालुक्यातील घुटेवाडी येथील लष्करी जवानाचा (Military) सुट्टीवर घरी येत असताना अपघाती (Accident) मृत्यू झाल्याची घटना घडली. ज्ञानदेव सुखदेव अंभोरे (वय ३७, रा. घुटेवाडी, ता. श्रीगोंदा) असे या जवानाचे नाव आहे. या जवानाचा अंत्यविधी हावडा कोलकाता (Kolkata) पश्चिम बंगाल येथे होणार असल्याची माहिती नातेवाईकांनी दिली.
नक्की वाचा : पुण्यातील धनकवडीत २ तास गावगुंडांचा धुमाकूळ; २० ते २५ वाहनांची तोडफोड
येत्या एक दोन वर्षात होणार होते निवृत्त
ज्ञानदेव अंभोरे कोलकाता येथील लष्करी तळावर पायोनियर आर्मी युनिट १८०३ मध्ये हवालदार या पदावर नियुक्तीस होते. २००४ मध्ये ते सैन्यदलात भरती झाले होते. त्यांनी जवळपास २१ वर्षे सैन्यदलात सेवा केलेली आहे व येत्या एक दोन वर्षात ते निवृत्त होणार होते. १५ जुलै रोजी ते काही दिवसांची सुट्टी घेवून गावी येण्यास निघाले होते. त्यानंतर १६ जुलैला त्यांच्या पत्नीने त्यांना मोबाईलवर संपर्क केला. मात्र, त्यांनी दिवसभर फोन उचलला नाही. १७ जुलैला फोन बंद लागला.
अवश्य वाचा : सुवर्णपदक विजेता देवदत्तने साधला I❤️नगरशी खास संवाद…
रेल्वे मार्गाशेजारी आढळून आला मृतदेह (Accident)
अनेकदा फोन करूनही संपर्क न झाल्याने त्यांच्या कुटुंबीयांनी कोलकाता येथील त्यांच्या युनिटच्या कार्यालयात फोन करून माहिती दिली. सैन्य दलाच्या जवानांनी त्यांचा शोध सुरु करत कुटुंबियांना थेट आठव्या दिवशी २२ जुलैला सायंकाळी त्यांचा मृतदेह कोलकाताजवळ खडकपूर परिसरात रेल्वे मार्गाशेजारी आढळून आला असल्याचे सांगितले. घटनेला सुमारे आठ दिवस उलटून गेल्यानंतर माहिती समजताच नातेवाईकांनी आणि कुटुंबाने कोलकाता येथे धाव घेतली. अंभोरो यांचा अंत्यविधी हावडा, कोलकाता, पश्चिम बंगाल येथे लष्करी इतमामात होणार असल्याची माहिती नातेवाईकांनी दिली.
