Accident : पारनेर : अहिल्यानगर-पुणे महामार्गावर वायुंडे बुद्रुक गावाकडे वळताना कारला एसटी बसने जोराची धडक दिल्याने झालेल्या अपघातात (Accident) कारमधील मनोहर दादाभाऊ काळोखे (वय ५२, रा. पानोली, ता. पारनेर) यांचा मृत्यू (Death) झाला. ही धडक इतकी भीषण होती, की एसटीने (ST Bus) कारला पाठीमागून धडक दिल्यानंतर कारमधील गॅस टाकी उडून बाहेर पडली आणि तिथे उभ्या असलेल्या दुचाकीवर जाऊन आदळली.
अवश्य वाचा : रेव्ह पार्टी म्हणजे काय?आरोप सिद्ध झाल्यास काय होते शिक्षा?
मानेला, डोक्याला जबर मार
मंगळवारी (ता. २९) सायंकाळी ६:३० वाजण्याच्या सुमारास मनोहर काळोखे हे त्यांच्या कारने पुण्याहून नगरकडे जाणाऱ्या रस्त्याने येत होते. त्यांना वाघुंडे बुद्रुककडे जायचे असल्याने त्यांनी रस्ता दुभाजकापासून कार वळविली. त्याच वेळी नगरहून पुण्याकडे भरधाव वेगाने जात असलेल्या शिंदखेडा-पुणे बसने कारला मागून जोराची धडक दिली. यामुळे काळोखे हे काचेवर आदळले गेले. त्यात त्यांच्या मानेला, डोक्याला जबर मार लागला.
नक्की वाचा : अवैध दारू विक्रीवर राज्य उत्पादन शुल्क विभागाची धडक कारवाई; सहा महिन्यांत ८९५ गुन्हे दाखल
उपचार सुरु होण्यापूर्वीच त्यांचे निधन (Accident)
काळोखे यांनी पुण्याकडे जाणारा रस्ता जवळपास ओलांडलाही होता. मात्र, भरधाव वेगाने आलेल्या एसटी बसच्या चालकाला अंदाज न आल्याचे कारला एसटी बसची जोराची धडक बसली. त्यात कारच्या पाठीमागच्या बाजूचा चक्काचूर झाला. जोराची धडक बसल्याने काळोखे यांचे वाहनावरील नियंत्रण सुटल्याने ते कारच्या काचेवर आदळले गेले. त्यात ते गंभीर जखमी झाले. त्यांना स्थानिक नागरिकांनी सुपा येथील रुग्णालयात नेले. मात्र, त्यांची प्रकृती गंभीर असल्याने त्यांना पुढील उपचारासाठी अहिल्यानगर येथील रुग्णालयात नेण्यात आले. मात्र, तेथे उपचार सुरु होण्यापूर्वीच त्यांचे निधन झाले.
