Accident : पाथर्डी : पाथर्डी – मुंबई (Mumbai) या पाथर्डी आगाराच्या बसचा तळेगाव (जि. पुणे) टोलनाक्या नजीक अपघात (Accident) होऊन एका प्रवासी जागीच ठार झाला (Died on the Spot) तर सात प्रवासी जखमी झाले आहेत. विश्वनाथ भगवान वाघमारे (रा.कारेगाव ता.पाथर्डी हल्ली रा. मुंबई) असे ठार झालेल्या व्यक्तीचे नाव आहे. ही अपघाताची घटना शनिवारी (ता. १९) पहाटे तीन वाजण्याच्या सुमारास मुंबई- पुणे एक्सप्रेस हायवेवर घडली. 

अवश्य वाचा: ‘आम्ही राज ठाकरे यांचे भोंगे उतरवू’-सुजात आंबेडकर

बस चालक, वाहक व महिला व पुरुष प्रवासी जखमी

या अपघातातील जखमींमध्ये बस चालक, वाहक व महिला व पुरुष प्रवासी यांचा समावेश आहे. या जखमींमध्ये दोन प्रवासी गंभीर जखमी झाले आहेत. या सर्व जखमीना उपचारासाठी नजीकच्या रुग्णालयात दाखल करण्यात आले. तारकपूर आगारातील बस चालक नवनाथ अकोलकर, वाहक सचिन खंडागळे हे पाथर्डीतून शुक्रवारी रात्री साडेआठची मुंबई गाडी घेऊन जात असताना हा दुर्दैवी अपघात झाला. अहिल्यानगर येथून बसचा चालक बदली होतो. येथील तारकपूर आगारातील बस चालक अकोलकर हे अहिल्यानगरवरून बस घेऊन निघाले होते.

नक्की वाचा: मोठी बातमी!लाडकी बहीण योजनेला स्थगिती,नवे अर्ज स्वीकारणे झालं बंद

पाठीमागून जोराची धडक (Accident)

पाथर्डी आगाराची मुंबईला जाणारी एसटी बसने मुंबईकडे जाणारी ट्रकला पाठीमागून जोराची धडक दिली. या भीषण अपघातात एसटी बसचा डाव्या बाजूचा पुढील भाग चक्काचूर झाला. पुणे -मुंबई एक्स्प्रेस हायवेवर तळेगाव उर्शी टोल नाक्याच्या मुंबईकडे जाताना काही अंतरावर शनिवारी पहाटे धडक झाली. वाहतूक पोलीस उपनिरीक्षक जितेंद्र कदम हे त्यांच्या सहकाऱ्यांसह तातडीने घटनास्थळी दाखल होऊन जखमींना पुढील उपचारासाठी हलविण्यात आले. पाथर्डी व  शेवगाव तालुक्यातील पत्रकार बाळासाहेब खेडकर, रंगनाथ चितळे, अभी उगले, कृष्णा खेडकर हे घटनास्थळावरून मुंबईकडे खासगी वाहनाने प्रवास करत असताना त्यांनी अपघातस्थळी थांबून मदत कार्य केले. रात्रीच्या वेळी एसटीच्या असणारा हेडलाईट हा अत्यंत कमी असून आधुनिक तंत्रज्ञानाच्या काळात खासगी वाहनांची लाईट ही प्रखर स्वरूपाचे असल्याने चालकांना याचा सामना करावा लागतो.