Vicky Kaushal in Chhaava : अभिनेता विकी कौशलची (Actor Vicky kaushal) मुख्य भूमिका असलेल्या ‘छावा’(Chhaava) या चित्रपटाविषयी प्रेक्षकांमध्ये प्रचंड उत्सुकता आहे. यामध्ये तो छत्रपती संभाजी महाराजांच्या (Chhatrapati Sambhaji Maharaj) भूमिकेत दिसणार आहे. या चित्रपटाचा ट्रेलर २२ तारखेला प्रदर्शित होत आहे. अग्नि भी वो, पाणी भी वो, तुफान भी वो, शेर शिवा छावा है वो! असं म्हणत ‘मॅडॉक फिम्स’ने ‘छावा’ या सिनेमामधली अभिनेता विकी कौशलचा टिझर प्रदर्शित करत त्यांचा लूक रिव्हील (Look Realese) केला आहे.
नक्की वाचा : अमेरिकेत आता तृतीयपंथींना मान्यता नाही,डोनाल्ड ट्रम्प यांचा निर्णय
पोस्टरमध्ये नेमकं काय ?(Vicky Kaushal in Chhaava)
छत्रपती संभाजी महाराजांच्या राज्यभिषेक दिनाचे औचित्य साधून चित्रपटाचे पोस्टर प्रदर्शित करण्यात आले.अभिनेता विकी कौशल छत्रपती संभाजी महाराजांच्या भूमिकेत सिंहासनावर बसलेला या पोस्टर मध्ये पाहायला मिळतो आहे. या पोस्टरने चाहत्यांच लक्ष वेधून घेतलं आहे. छत्रपती संभाजी महाराजांच्या शौर्याचा धगधगता इतिहास या चित्रपटातून मांडण्यात येणार आहे.अभिनेता विकी कौशल बरोबर, रश्मिका मंदान्ना, क्षय खन्ना यांचा देखील अभिनय प्रेक्षकांना पाहायला मिळणार आहे. या चित्रपटात अभिनेत्री रश्मिका मंदान्ना येसूबाईंची भूमिका साकारणार आहे. रश्मिकाचा लूक देखील यावेळी रिव्हील करण्यात आला आहे.
अवश्य वाचा : पुण्यात दुर्मिळ गुइलेन बॅरे सिंड्रोमचे २२ संशयित रुग्ण;महापालिका अलर्ट मोडवर
लक्ष्मण उतेकर करणार ‘छावा’चे दिग्दर्शन (Vicky Kaushal in Chhaava)
या आधीही छत्रपती संभाजी महाराजांच्या आयुष्यावर आधारित अनेक चित्रपटांची निर्मिती करण्यात आली होती. मात्र संपूर्ण भारतभर मोठ्या पातळीवर संभाजी महाराजांची कथा मांडण्यात दिग्दर्शक-निर्मात्यांना यश आलं नव्हतं. मात्र ‘छावा’ चित्रपटाच्या टिजरला मिळालेल्या भव्य प्रतिसादामुळे हा चित्रपट मनोरंजनाच्या सर्व पातळीवर गाजण्याची शक्यता वर्तवली जातेय.
या चित्रपटाची निर्मिती मॅडॉक फिल्म्सने केली असून,लक्ष्मण उतेकर यांनी हा चित्रपट दिग्दर्शित केला आहे.
