Yogesh Mahajan Death : कलाविश्वातून एक मोठी बातमी समोर आली आहे.मराठी आणि हिंदी कलाविश्वातील लोकप्रिय अभिनेते योगेश महाजन (Yogesh Mahajan) यांचं निधन झालं आहे. वयाच्या ५० व्या वर्षी त्यांनी गुजरातमधील उमराव (Gujrat Umrav) येथे अखेरचा श्वास घेतला.योगेश हे ‘शिव शक्ती-तप,त्याग,तांडव’ या हिंदी मालिकेच्या शूटिंगसाठी (Shooting) उमरगावमध्ये होते. या मालिकेमध्ये त्यांनी शुक्राचार्यांची भूमिका साकारली होती. दरम्यान, त्यांना हृदयविकाराचा तीव्र झटका आल्याने त्यांचा मुत्यू (Death) झाला.
नक्की वाचा : ‘सखा’ने पटकाविला ‘अहिल्यानगर महाकरंडक’
योगेश महाजन यांचा मृत्यू नेमका कशामुळे? (Yogesh Mahajan Death)
योगेश महाजन यांना शनिवारी (ता.१८) संध्याकाळी शूटिंगची शिफ्ट संपताना तब्येत बिघडली असल्याचं जाणवलं. त्यामुळे ते डॉक्टरांकडे गेले, तपासणी केली. त्यानंतर रात्री हॉटेलमध्ये येऊन झोपले. रविवारी (ता.१९) सकाळी ते शूटिंगसाठी सेटवर पोहोचले नाहीत,त्यामुळे मालिकेच्या टीमने त्यांना बरेच फोन केले.पण त्यांनी फोन उचलला नाही. योगेश यांच्याशी संपर्क न होऊ शकल्याने टीममधील काही लोक ते थांबलेल्या हॉटेलमध्ये गेले. तिथे दरवाजा तोडून आत गेल्यावर ते बेडरूममध्ये खाली पडलेल्या अवस्थेत आढळले.मात्र,योगेश यांनी आधीच प्राण सोडला होता.
अवश्य वाचा : ‘एकनाथ शिंदेंची राजकारणात बिकट अवस्था’- विजय वडेट्टीवार
योगेश महाजन यांच्या अंतयात्रेची माहिती महाजन कुटुंबाने शेअर केली आहे. त्यांनी यामध्ये लिहिलं की, ‘आपल्या प्रिय योगेश महाजन यांचे अचानक निधन झाले हे कळवताना आम्हाला खूप दुःख होत आहे.’ १९ जानेवारी २०२५ रोजी हृदयविकाराच्या झटक्याने रविवारी त्यांचं निधन झालं. आमच्या संपूर्ण कुटुंबासाठी, नातेवाईकांसाठी आणि मित्रांसाठी हा एक भयानक धक्का आहे’.
योगेश महाजन यांची अभिनयातील कारकीर्द (Yogesh Mahajan Death)
गेली अनेक वर्षे प्रेक्षकांचे मनोरंजन करणारे योगेश महाजन हे मूळचे जळगावचे होते.अभिनयाची आवड असल्याने ते या क्षेत्रात आले होते. भोजपुरी इंडस्ट्रीतून अभिनय कारकिर्दीची सुरुवात करणाऱ्या योगेश महाजन यांनी ‘मुंबईचे शहाणे’, ‘संसाराची माया’ या मराठी चित्रपटांमध्ये काम केलं होतं. महाजन यांच्या पश्चात त्यांची पत्नी आणि मुलगा असं कुटुंब आहे. त्यांच्या जाण्याने कलाविश्वातुन मोठी हळहळ व्यक्त होत आहे.योगेश यांच्या निधनाची बातमी समजल्यावर चाहत्यांनी त्यांना श्रद्धांजली वाहिली आहे.