नगर : ‘सैराट’ या मराठी चित्रपटातून अभिनय क्षेत्रात पदार्पण करत प्रेक्षकांना वेड लावणारी आर्ची म्हणजेच अभिनेत्री म्हणजे रिंकू राजगुरू(Rinku Rajguru). रिंकूने २०१९ ला प्रदर्शित झालेला ‘कागर’, ‘२०० हल्ला हो’ (२०२१), ‘अनकहीं कहाँनिया’ (२०२१), ‘झुंड’ (२०२२), ‘झिम्मा २’ (२०२३) या चित्रपटांत काम करत अभिनयाची छाप सोडली आहे. आता ती एका नवीन चित्रपटातून प्रेक्षकांच्या भेटीला येत आहे. ‘जिजाई’ (Jijai) असे या चित्रपटाचे नाव आहे. गेल्या काही दिवसांपासून या चित्रपटाची चर्चा सुरू असल्याचे पाहायला मिळाले होते. नुकताच जिजाईचा मुहूर्त पार पडल्याचे सोशल मीडियावर शेअर (Poster Relese) करण्यात आलेल्या फोटोंमधून दिसत आहे.
नक्की वाचा : कधी होणार यंदाचा महा कुंभमेळा? वाचा सविस्तर...
‘जिजाई’ चित्रपटाच्या शूटिंगला सुरुवात होणार (Rinku Rajguru)
‘जिजाई’ चित्रपटाच्या शूटिंगला लवकरच सुरुवात होणार आहे. नुकताच या चित्रपटाच्या मुहूर्ताचा कार्यक्रम पार पडला. झी स्टुडिओज व कोकोनट फिल्म्स यांनी सोशल मीडियावर याबद्दल पोस्ट शेअर केली आहे. या पोस्टमध्ये रिंकू राजगुरू हातात जिजाई चित्रपटाच्या मुहूर्ताची पाटी घेऊन उभी असलेली दिसत आहे. हा फोटो शेअर करत झी स्टुडिओजने कॅप्शनमध्ये लिहिले, “शुभारंभ झाला, आता आपला आशीर्वाद असू द्या! झी स्टुडिओज व कोकोनट फिल्म घेऊन येत आहेत रिंकू राजगुरूची प्रमुख भूमिका असलेला, नवा कोरा मराठी सिनेमा ‘जिजाई.’” या पोस्टमध्ये रिंकूला टॅग केले आहे. अभिनेत्रीने ही पोस्ट तिच्या इन्स्टाग्राम अकाउंटवर शेअर केली आहे.
अवश्य वाचा : ‘शरद पवारांना भीती आहे की आपला पक्ष अर्धा होईल’- चंद्रशेखर बावनकुळे
‘जिजाई’ चित्रपटात रिंकू राजगुरू प्रमुख भूमिकेत (Rinku Rajguru)
नवोदित दिग्दर्शक तृशांत इंगळे दिग्दर्शित ‘जिजाई’ या चित्रपटाचे दिग्दर्शन करणार आहेत.या चित्रपटात रिंकू राजगुरू प्रमुख भूमिकेत दिसणार आहे, तर अपूर्वा शालीग्राम चित्रपटाच्या डीओपी आहेत. कपाळी चंद्रकोर लावलेली रिंकू या चित्रपटात एका वेगळ्याच अंदाजात दिसणार आहे. ‘सैराट’च्या यशानंतर रिंकू राजगुरू आणि झी स्टुडिओज यांच्यात एक वेगळे नाते निर्माण झाले असल्याचे पाहायला मिळत आहे. आता पुन्हा एकदा ‘जिजाई’च्या माध्यमातून लवकरच ती प्रेक्षकांच्या भेटीला येणार आहे.
झी स्टुडिओजचे बवेश जानवलेकर यावेळी म्हणाले की, “झी स्टुडिओजने नेहमीप्रमाणे नवोदित कलाकारांना आणि दिग्दर्शकांना व्यासपीठ उपलब्ध करून दिले आहे. प्रेक्षकांसाठी कायमच दर्जेदार आणि वेगळ्या आशयाचे चित्रपट सादर केले आहेत. ‘जिजाई’ हा त्याच परंपरेचा भाग आहे.”