Agricultural Exhibition : कर्जत : तालुक्यातील सर्वसामान्य शेतकऱ्यांसाठी सद्गुरु ग्रामविकास प्रतिष्ठानच्या वतीने राज्यस्तरीय कृषी प्रदर्शनाचे (Agricultural Exhibition) आयोजन ३० जानेवारी ते ३ फेब्रुवारी २०२५ या दरम्यान कर्जत (Karjat) शहरात फाळके पेट्रोल पंपाशेजारील मैदानात केले आहे. परिसरातील शेतकऱ्यांनी याचा लाभ घ्यावा, असे आवाहन कृषी उत्पन्न बाजार समितीचे सभापती काकासाहेब तापकीर यांनी केले आहे.
नक्की वाचा : स्थानिक स्वराज्य संस्था निवडणुकी पुन्हा लांबणीवर
महिलांसाठी घरगुती लघू उद्योगाची माहिती देखील उपलब्ध
तालुक्यातील शेतकरी बांधवांसह नव उद्योजक, व्यावसायिक, महिला वर्गास या कृषी प्रदर्शनाचा फायदा होणार आहे. सद्गुरु ग्रामविकास प्रतिष्ठान यांच्यावतीने राजेंद्र फाळके यांनी कृषी प्रदर्शनामध्ये नवनवीन तंत्रज्ञान, अवजारे, ट्रॅक्टर्स, ठिबक सिंचन, सोलर, खते, बि-बीयाणे, पशुखाद्य – आहारसह शेती विषयक सर्व काही एकाच ठिकाणी पाहता आणि उपलब्ध होणार आहे. महिलांसाठी घरगुती लघू उद्योगाची माहिती देखील उपलब्ध राहील.
अवश्य वाचा : ‘ती’ च्या अवयवदानातून तिघांना ‘पुनर्जन्म’
खवय्यांसाठी निरनिराळ्या पदर्थांची मेजवानी (Agricultural Exhibition)
या कृषिप्रदर्शनाचे खास आकर्षण एक कोटी किंमतीची भारतातील प्रसिध्द अनेक पुरस्कार प्राप्त कर्नाटक येथील रेडा जोडी असणार आहे. महिलांसाठी गृहपयोगी वस्तूंचे अनेक स्टॉल, लहान मुलांसाठी किड्स झोन, खवय्यांसाठी खास कोल्हापूरचा पांढरा-तांबडा रस्सा, निरनिराळ्या पदर्थांची चव घ्यायला मिळणार आहे. या कृषीप्रदर्शनाला कृषी उत्पन्न बाजार समितीचे सभापती काकासाहेब तापकीर व सर्व संचालक मंडळाचे सहकार्य लाभले. तरी या राज्यस्तरीय कृषी प्रदर्शनाचा सर्वांनी लाभ घ्यावा, असे आवाहन आयोजक बंडू पाचपुते आणि गणेश जठार यांनी केले आहे.