Ajit Pawar : राज्यातील मद्यविक्री दुकानदारांसाठी (Liquor shopkeeper) एक महत्वाची बातमी आहे. किरकोळ विदेशी मद्य विक्री (Wine Shop) आणि किरकोळ देशी मद्यविक्री दुकानांच्या (Liquor Shops) स्थलांतरासाठी आता नोंदणीकृत सोसायटीची ‘ना हरकत प्रमाणपत्र’ (NOC) घेणे बंधनकारक असणार आहे. हा निर्णय राज्यातील सर्व जिल्ह्यांमध्ये एकसमान पद्धतीने लागू केला जाईल, अशी महत्त्वपूर्ण माहिती उपमुख्यमंत्री अजित पवार (Ajit Pawar) यांनी आज विधानसभेत दिली.
पिंपरी- चिंचवड येथील काळेवाडी-रहाटणी परिसरातील नियमबाह्य दारू दुकानांचे परवाने रद्द करण्याबाबत विधानसभा सदस्य शंकर जगताप यांनी प्रश्नोत्तराच्या तासात विचारलेल्या प्रश्नाला उत्तर देताना ते बोलत होते.
नक्की वाचा: बाळाचे जीवन संपवून आई-वडिलांनी घेतले देवदर्शन;नेमकं प्रकरण काय ?
दारूच्या दुकानांवर सरकारची कठोर भूमिका (Ajit Pawar)
पिंपरी-चिंचवड येथील काळेवाडी-रहाटणी परिसरातील नियमबाह्य पद्धतीने सुरू असलेल्या दारू दुकानांचे परवाने रद्द करण्याबाबत सदस्य शंकर जगताप यांनी विधानसभेत प्रश्न उपस्थित केला होता. त्याला उत्तर देताना अजित पवार म्हणाले की, नागरिकांकडून वारंवार तक्रारी येत आहेत आणि अनधिकृत किंवा नियमांचं उल्लंघन करणाऱ्या दुकानांवर सरकारकडून कठोर भूमिका घेतली जात आहे.
अवश्य वाचा: एक गाव एक पाणवठ्याचा राखणदार गेला;कोण होते बाबा आढाव?
नेमका निर्णय काय ? (Ajit Pawar)
नागपूर अधिवेशनातील प्रश्नोत्तराच्या तासात बोलताना अजित पवार म्हणाले की, अनेक भागात रहिवाशांच्या तक्रारी, कायदा-सुव्यवस्थेचे मुद्दे आणि स्थानिक विरोध लक्षात घेऊन हा निर्णय घेतला आहे. यापुढे कोणत्याही वाईन शॉप किंवा देशी मद्य दुकानाच्या स्थलांतरासाठी सोसायटीची ना हरकत घेणे बंधनकारक असेल. हा निर्णय राज्यभर काटेकोरपणे लागू केला जाईल. पिंपरी-चिंचवडमधील ‘बजाज देशी दारू दुकान’ आणि ‘विक्रांत वाईन्स शॉप’ या दोन्ही दुकानांचे परवाने अनियमिततेमुळे निलंबित करण्यात आले आहेत. मात्र, यातील एक दुकानदाराने उच्च न्यायालयात याचिका दाखल केली आहे. त्यामुळे पुढील कार्यवाही न्यायालयाच्या आदेशांनुसारच केली जाईल,असं त्यांनी सांगितले.
