AMC : नगर : शास्तीमध्ये १०० टक्के सवलत देऊनही थकबाकीदार कर भरत नसल्याने महापालिका प्रशासनाने (Municipal Administration) आक्रमक पवित्रा घेत कारवाई सुरू केली आहे. मालमत्ता कर व पाणीपट्टीच्या सुमारे २२ लाख रुपयांच्या थकबाकी पोटी महापालिकेने (AMC) आठ मालमत्ताधारकांवर कारवाईचा (Action) बडगा उगारला आहे. त्यामध्ये १ गोडाऊन व ९ गाळे सील करत ९ नळ कनेक्शन तोडण्यात आले आहे.

नक्की वाचा : मोठी बातमी! लाडकी बहीण योजनेतून ५ लाख महिला अपात्र

थकबाकी असलेल्यांचे नळ कनेक्शन तोडले

प्रभाग समिती क्रमांक १ वार्ड क्रमांक ५३ मधील मालमत्ताधारक बबन लक्ष्मण फाटके यांच्याकडे मालमत्ताकराची ४ लाख ८६ हजार १२ रुपये थकबाकी असल्याने त्यांचे नळ कनेक्शन तोडण्यात आले. प्रभाग समिती क्रमांक १ वार्ड क्रमांक ४३ मधील मालमत्ताधारक फकीर मोहम्मद नूर मोहम्मद बागवान यांच्याकडे मालमत्ताकराची ३ लाख ३५ हजार ५०२ रुपये थकबाकी असल्याने त्यांचे कमर्शियल चार गाळे सील करण्यात आले. तसेच ४ नळ कनेक्शन बंद करण्यात आले. प्रभाग समिती क्रमांक १ वार्ड क्रमांक ४३ मधील मालमत्ताधारक देवकर यांच्याकडे मालमत्ताकराची १ लाख ६० हजार ६५४ रुपये थकबाकी असल्याने त्यांचे नळ कनेक्शन तोडण्यात आले. प्रभाग समिती क्रमांक १ वार्ड क्रमांक ५४ मधील मालमत्ताधारक याकूब साळवे भोग – कुमार वाघ यांच्याकडे मालमत्ता कराची १ लाख १६ हजार ७८९ रुपये थकबाकी असल्याने त्यांचा कमर्शियल गाळा सिल करण्यात आला.

अवश्य वाचा : शेवगाव येथील मंदिर सेवेकऱ्याच्या हत्येची उकल

१५ फेब्रुवारीपर्यंत मुदत (AMC)

महापालिकेने शास्ती मध्ये १०० टक्के सवलत दिली आहे. १५ फेब्रुवारीपर्यंत ही मुदत आहे. कोणत्याही परिस्थितीत जप्ती कारवाई थांबणार नाही. त्यामुळे थकबाकीदारांनी तत्काळ सवलत घेऊन थकीत कराचा भरणा करावा, अन्यथा जप्ती कारवाई केली जाईल, असे आयुक्त तथा प्रशासक यशवंत डांगे यांनी म्हटले आहे.