नगर : महापालिका निवडणुकांच्या पार्श्वभूमीवर उपमुख्यमंत्री अजित पवार (Ajit Pawar)भाजपवर आणि पुण्यातील भाजप नेत्यांवर सडकून टीका करताना पाहायला मिळत आहे. तर, भाजपही त्यांच्यावर पलटवार करताना पाहायला मिळत आहे. पिंपरीतील भाजप आमदार महेश लांडगे (Mahesh Landge) यांनी देखील अजित पवारांवर टीका (Criticism)केली होती. त्यावर, अजित पवारांनी मोजकीच प्रतिक्रिया दिली. आता, राष्ट्रवादीचे आमदार अमोल मिटकरी (Amol Mitkari) यांनी तीव्र शब्दात महेश लांडगेंवर पलटवार केला आहे.
नक्की वाचा: ‘मी कोण आहे हे जनता ठरवेल’;महेश लांडगेंच्या टीकेला अजित पवारांचे उत्तर
“महेश लांडगेंना महाराष्ट्राचे पुढचे काका म्हणायचं असेल” (Amol mitkari on Mahesh Landge)
आमदार अमोल मिटकरी म्हणालेत की, राष्ट्रवादी काँग्रेसचा वारसा हा शरद पवार आणि अजित पवार या सिंह आणि वाघाचा आहे. त्यामुळे आम्ही लांडग्यांकडे लक्ष देत नसल्याचा खोचक टोला मिटकरी यांनी लगावला. महेश लांडगे यांना कदाचित पुण्याचे आणि महाराष्ट्राचे पुढचे काका कोण ? हे म्हणायचे असेल. मात्र, त्यांनी चुकीने ‘आका’ म्हटलं असावं, असा चिमटाही आमदार मिटकरी यांनी काढला. यावेळी, “भुंकणाऱ्या कुत्र्यांना भुंकू द्या, त्यांच्याकडे लक्ष देऊ नका” असा अर्थ असलेल्या संत तुकारामांच्या एका अभंगाचा दाखला देखील त्यांनी दिला.
अवश्य वाचा: ‘दोन्ही पवार कधीच वेगळे नव्हते हे राज्याला आता दिसून येईल’-लक्ष्मण हाके
मुरलीधर मोहोळ व अजित पवार यांच्यात शाब्दिक चकमक (Amol mitkari on Mahesh Landge)
पुण्यात मुरलीधर मोहोळ आणि उपमुख्यमंत्री अजित पवार यांच्यातही शाब्दिक चकमक सुरू असल्याचं पाहायला मिळत आहे. अजित पवारांनी पंतप्रधान नरेंद्र मोदी यांच्या कार्यकाळातील विकासकामांवर शंका उपस्थित केल्याबाबत मोहोळ यांनी टीका केली. निवडणुकीत मुद्दे शिल्लक न राहिल्यामुळे भाजपवर खोटे आरोप केले जात आहेत.अजित पवार विकासकामावर बोलताना काही आरोप करत असतील, जर दावे करत असतील, तर त्यांनी त्याचे ठोस पुरावे द्यावेत,असे आव्हानही त्यांनी दिले.
