नगर : बॉलिवूड अभिनेता रणबीर कपूरचा (Ranbir Kapoor) ‘अॅनिमल’ (Animal) हा चित्रपट १ डिसेंबर २०२३ रोजी चित्रपटगृहांमध्ये प्रदर्शित झाला आहे. रिलीज झाल्यापासून या चित्रपटाची सगळीकडे चर्चा रंगली आहे. रिलीजच्या पहिल्याच दिवशी बॉक्स ऑफिसवर (Box Office Collection) या चित्रपटाने दमदार कमाई केली आहे.
नक्की वाचा : महाराष्ट्रासह अनेक राज्यात पुढील २४ तासांत मुसळधार पाऊस
अनेक जण चित्रपटातील रणबीर कपूरच्या अभिनयाचं कौतुक करत आहेत. दिग्दर्शक संदीप रेड्डी वंगा यांनी ‘अॅनिमल’ या चित्रपटाचे दिग्दर्शन केले आहे. हा चित्रपट प्रदर्शित झाल्यापासून अनेकांनी या चित्रपटाचा फर्स्ट डे फर्स्ट शो पाहिला. ‘अॅनिमल’ चित्रपटानं ३३.९७ कोटी रुपयांच्या अॅडव्हान्स बुकिंग कलेक्शनसह पठाण, टायगर ३ आणि गदर २ या सर्व चित्रपटांचे रेकॉर्ड मोडून रिलीजच्या पहिल्या दिवशी देखील कोट्यवधींची कमाई केली आहे.
हेही वाचा : गौतमी पाटीलच्या ‘घुंगरु’चं पहिले पोस्टर प्रदर्शित
‘अॅनिमल’ ने रिलीजच्या पहिल्या दिवशी ६१ कोटींची कमाई केली आहे. यापैकी हिंदी भाषेमध्ये चित्रपटाने ५० कोटींची कमाई केली आहे, तर तेलगूमध्ये या चित्रपटाने १० कोटी रुपयांचे कलेक्शन केले आहे. तमिळमध्ये ०.४ कोटी रुपये, कन्नडमध्ये ०.०९ कोटी रुपये आणि मल्याळममध्ये ०.०१ कोटी रुपयांचे कलेक्शन केलं आहे. अॅनिमल हा रणबीरच्या करिअरमधील ओपनिंग-डेला सर्वाधिक कलेक्शन करणारा चित्रपट ठरला आहे. अॅनिमल या चित्रपटात रणबीरसोबत रश्मिका मंदाना, अनिल कपूर, बॉबी देओल या कलाकारांनी देखील महत्वाच्या भूमिका साकारल्या आहेत. त्यामुळे चित्रपटगृहात या चित्रपट सध्या धुमकाळ घालताना दिसत आहे.