Shirdi News : नव्या वर्षाचा नवा संकल्प करत अनेकांनी आपल्या पहिल्या दिवसाची सुरुवात देवदर्शनाने केली. याच पार्श्वभूमीवर नवीन वर्षाची पहिल्या दिवशी शिर्डी साईबाबांच्या (Shirdi Saibaba) दर्शनाला मोठी गर्दी झाल्याचं पाहायला मिळाले आहे. तर, नवीन वर्षातील पहिल्याच महिन्यात मुंबईहून शिर्डीकडे साईबाबांच्या दर्शनासाठी पदयात्रेचं आयोजन करण्यात आलं होतं.
या पदयात्रेत सहभागी झालेल्या पोलीस (Police) सहायक फौजदाराचा हृदयविकाराच्या झटक्याने मृत्यू (Death) झाल्याची दुर्दैवी घटना घडली. प्रफुल सुर्वे असे या पोलीस सहाय्यक फौजदाराचे नाव आहे. ते अंधेरी पोलीस ठाण्यात कार्यरत होते. विशेष म्हणजे शिर्डीचं अंतर केवळ १० किमी दूर असतानाच त्यांचे पायी यात्रेतच दुर्दैवी निधन झाले आहे.
नक्की वाचा : ‘मुक्काम पोस्ट देवाचं घर’ चित्रपटातील ‘सुंदर परीवानी’ गाणं लाँच
हृदयविकाराच्या झटक्याने सहायक फौजदाराचे निधन (Shirdi News)
अंधेरी पोलीस ठाण्यात कार्यरत असणारे सहाय्यक फौजदार प्रफुल सुर्वे यांचे हृदयविकाराच्या झटक्याने दुर्दैवी निधन झाले. मुंबई ते शिर्डी पायी यात्रेदरम्यान आज सकाळी त्यांना हृदयविकाराचा झटका आला.तिथेच त्यांनी अखेरचा श्वास घेतला. सुर्वे हे दरवर्षी अंधेरी ते शिर्डी पायी चालत जात असे.यंदाही आपली नियमित पायी वारी करण्यासाठी ते यात्रेत सहभागी झाले होते. विशेष म्हणजे मुंबई ते शिर्डी २४० किमी अंतर आहे. हे अंतर कापताना त्यांनी तब्बल २३० किमीपर्यंत पायी प्रवास केला.शिर्डीला पोहोचण्यासाठी अवघे १० किलोमीटरचे अंतर बाकी असतानाच सुर्वें यांचे हृदयविकाराच्या झटक्याने निधन झाले. सुर्वे यांच्या निधनाने साई पालखी मंडळ आणि पोलीस दलावर शोककळा पसरली असून त्यांच्या निधनाने सर्वत्र हळहळ व्यक्त होत आहे.
अवश्य वाचा : आता घरबसल्या करता येणार दस्त नोंदणी;देवेंद्र फडणवीसांचा मोठा निर्णय