Beating : नगर : शहरातील सारसनगर परिसरातील औसरकर मळा येथे राहत असलेल्या एका युवकाला चोर (Thief) असल्याच्या संशयातून पाच जणांनी वृक्षाच्या खोडाला बांधून मारहाण (Beating) केली. या संदर्भात भिंगार कॅम्प पोलीस (Police) ठाण्यात गुन्हा (Crime) दाखल करण्यात आला आहे.
नक्की वाचा : श्रीरामपूर-नेवासा राज्यमार्गावर रास्ता रोको आंदोलन
मारहाणीत राजेश गंभीर जखमी
औसरकर मळा येथे चोरीच्या उद्देशाने आल्याच्या संशयातून राजेश हिरा घोष (रा. पश्चिम बंगाल) याला मारहाण करण्यात आली. राजेश हा काम शोधण्यासाठी औसरकर मळा परिसरात गेला होता. या मारहाणीत राजेश गंभीर जखमी झाला असल्याचे फिर्यादीत म्हटले आहे. त्याच्यावर जिल्हा रुग्णालयात उपचार सुरू आहेत.
अवश्य वाचा : अन्यथा पुढील अंत्यविधी कर्जत तहसील कार्यालयासमोर
मारहाणीचा व्हिडिओ सोशल मीडियावर व्हायरल
या मारहाणीचा व्हिडिओ सोशल मीडियावरही व्हायरल झाला. या प्रकरणी किरण भगवान औसरकर, बाबासाहेब भगवान पुंड, विशाल किसन इवळे, ऋषिकेश जायभाय व ऋत्विक पुंड (सर्व रा. औसरकर मळा, सारसनगर, नगर) यांच्या विरोधात भिंगार कॅम्प पोलीस ठाण्यात खुनाच्या प्रयत्नाचा गुन्हा दाखल करण्यात आला आहे.