Beed News: राज्यात आरक्षणाच्या (Reservation) मुद्यावरून वातावरण चांगलेच तापलेले पाहायला मिळत आहे. त्यातच आता ओबीसी आरक्षण (OBC Reservation) संपल्याच्या विचाराने मानसिक तणावात असलेल्या एका ऑटोचालकाने (Auto Driver) आत्महत्या (Suicide) केल्याची धक्कादायक घटना बीड (Beed News) जिल्ह्यातील टोकवाडी येथे घडली आहे. आत्माराम गणपत भांगे (वय ४५) असे आत्महत्या केलेल्या व्यक्तीचे नाव असून, त्यांनी आपल्या राहत्या घरात साडीने गळफास घेऊन आयुष्य संपवले.
नक्की वाचा: परीक्षेला निघालेल्या विद्यार्थिनीला कारची जोरदार धडक;अपघाताचे सीसीटीव्ही फुटेज आले समोर
‘आता मुलांना आरक्षण नाही,नोकरी लागणार नाही’ (Beed News)
आत्माराम भांगे हे व्यावसायिक ऑटोचालक होते. त्यांना आदित्य व आदर्श अशी दोन मुले असून दोघांनीही शिक्षण पूर्ण करून पोलीस भरतीसाठी मेहनत सुरू केली होती. मात्र, काही दिवसांपासून ओबीसी आरक्षण संपल्याच्या विचाराने ते तणावात होते. कुटुंबीयांनी दिलेल्या माहितीनुसार, भांगे हे घरात शांत व गप्प राहू लागले होते. सतत “आता मुलांना आरक्षण नाही, नोकरी लागणार नाही,” या विचारात ते अस्वस्थ होते.
अवश्य वाचा: अभिनेत्री स्मिता शेवाळे हिने ‘अभंग तुकाराम’ मध्ये साकारली आगळी वेगळी नायिका
पत्नी व मुलगा शेतात गेल्यावर उचलले टोकाचं पाऊल (Beed News)
पत्नी व मुलगा शेतात गेले असताना आत्माराम भांगे हे घरात एकटेच होते. यावेळी त्यांनी साडीने गळफास घेत आत्महत्या केली. शेतातून परतलेल्या कुटुंबीयांना ही धक्कादायक बाब लक्षात आली. या घटनेची माहिती मिळताच परळी ग्रामीण पोलीस ठाण्याचे अधिकारी घटनास्थळी दाखल झाले. प्राथमिक तपासात आत्माराम भांगे यांच्या खिशात एक चिठ्ठी सापडली. त्यात “ओबीसी आरक्षण संपल्यामुळे मी आत्महत्या करत आहे,”असे लिहिलेले आढळले. या आधारे पोलिसांनी आकस्मिक मृत्यूची नोंद केली असून पोलीस या प्रकरणाचा अधिक तपास करत आहेत. या घटनेमुळे संपूर्ण टोकवाडी परिसरात हळहळ व्यक्त करण्यात येत आहे.
