Burhan Nagar : नगर : बुऱ्हाणनगर (Burhan Nagar) (ता.अहिल्यानगर) येथील पुरातन कुलस्वामिनी तुळजाभवानी देवी मंदिरात (Tulja Bhavani Temple) सोमवारी (ता. २२) सकाळी रिमझिम पावसात नवरात्रौत्सवास (Navratri Festival) भक्तिपूर्ण वातावरणात प्रारंभ झाला. यानिमित्ताने मंदिरातील तुळजाभवानी देवीची सकाळी महापूजा, अभिषेक करून ध्वजारोहणा करून विधिवत घटस्थापना () देवीचे पुजारी भगत कुटुंबीयांनी केली. ‘आईराजा उदो उदो…सदानंदीचा उदो उदो…, तुळजाभवानी देवी की जय… असा देवीचा जयघोष उपस्थित भाविकांनी केला. शारदीय नवरात्रीच्या पहिल्याच दिवशी कुलस्वामिनी तुळजाभवानी देवीच्या दर्शनास भाविकांनी सकाळपासूनच मोठी गर्दी केली आहे.
अवश्य वाचा: नगर-पुणे रस्त्यावर दरोड्याच्या तयारीत असलेली टोळी जेरबंद; स्थानिक गुन्हे शाखेची कारवाई
मंदिरात विधिवत घटस्थापना (Burhan Nagar)
घटस्थापणे पूर्वी पुजारी भगत परिवारातील महिलांनी डोक्यावर सजवलेले घट व पुरुषांनी भगवे ध्वज, अबकारी हातात घेत तुळजाभवानी देवीचा जयजयकार करत मंदिराला प्रदक्षिणा मारली. या प्रदक्षिणे नंतर मंदिराचे मुख्य पुजारी ॲड. विजय भगत, दुर्गा भगत, ॲड. अभिषेक भगत व कुणाल भगत यांनी मंदिरात विधिवत घटस्थापना करून देवीची महाआरती केली.
नक्की वाचा : सुंभ जळाला तरी पीळ सुटत नाही; निलेश लंकेंची सुजय विखेंवर टीका
देवी मंदिरावर आकर्षक विद्युत रोषणाई (Burhan Nagar)
नवरात्रोत्सवानिमित्त तुळजाभवानी देवीची मूर्ती सुवर्ण अलंकारांनी मढण्यात आली होती. तसेच विविध फुलांच्या माळांनी देवीचे रूप अधिकच प्रसन्न वाटत होते. शारदीय नवरात्र उत्सवानिमित्त बुऱ्हाणनगरच्या तुळजाभवानी देवी मंदिरावर आकर्षक विद्युत रोषणाई करण्यात आली आहे. मंदिर परिसरातही सजावट करण्यात आली आहे. देवीच्या मुखदर्शनाची वेगळी व्यवस्था करण्यात आली आहे. दिवसातील २१ तास भाविकांना देवीचे दर्शन घेता येणार आहे.
नवरात्रोत्सवा निमित्त पुढील १० दिवस भरगच्च धार्मिक कार्यक्रमांचे आयोजन करण्यात आले आहे, अशी माहिती मंदिराचे पुजारी ॲड.अभिषेक भगत यांनी देवून सर्व भाविकांनी येथील धार्मिक कार्याक्रमांचा व देवीच्या दर्शनचा लाभ घ्यावा, असे आवाहन त्यांनी केले आहे. तुळजाभवानी देवीच्या दैनंदिन पुजेची माहिती कुणाल भगत यांनी दिली. यावेळी राजेंद्र भगत, अंजली भगत, किरण भगत, मनीषा भगत, सुभाष भगत, सुनंदा भगत, कविता भगत, ऋषिकेश भगत, ॲड.अजिंक्य भगत, वैभवी भगत, अंकिता भगत, ॲड. संकेत भगत, अक्षदा भगत, क्षताक्षी व वेद भगत आदींसह भाविक उपस्थित होते.
