Pune Crime : पुण्यातील गुन्हेगारी (Pune Crime) आणि वाढते अपघात हा नेहमीच चर्चेचा आणि चिंतेचा विषय ठरतो. मात्र, सोशल मीडियावर पुण्यातील एका विचित्र अपघाताचा व्हिडीओ व्हायरल (Viral video) होत आहे. या अपघातामध्ये एका इमारतीच्या पहिल्या मजल्यावरुन कार खाली (Car Accident) कोसळली. पुण्यातील विमाननगर परिसरात हा प्रकार घडला. येथील शुभ अपार्टमेंट या इमारतीच्या पहिल्या मजल्यावरील पार्किंगमध्ये गाडी मागे घेताना चालकाच्या चुकीमुळे कार थेट खाली कोसळली. रविवारी(ता.१९) सकाळी दहा वाजता हा प्रकार घडला.
नक्की वाचा : ‘छावा’मधल्या औरंगजेबचा धडकी भरवणारा लूक आला समोर
विमाननगरमधील शुभ अपार्टमेंटमध्ये घडली घटना (Pune Accident)
पुण्यातील या अपघाताचे सीसीटीव्ही फुटेज सध्या सोशल मीडियावर व्हायरल होत आहे. यामध्ये शुभ अपार्टमेंट इमारतीच्या पहिल्या मजल्याची भिंत तोडून काळ्या रंगाची होंडा सिटी कार खाली पडताना दिसत आहे. हा अपघात चालकाच्या चुकीमुळे घडल्याचे सांगितले जात आहे. पहिल्या मजल्यावरील पार्किंगमध्ये चालकाने कार पुढे घेण्याऐवजी चुकून मागे घेतली. इमारतीच्या पार्किंगची भिंत तकलादू असल्यामुळे कारची धडक बसल्यामुळे भिंत लगेच तुटली आणि कार खाली कोसळली. पहिल्या मजल्यावरुन कोसळल्यानंतर कार उभीच राहिली. सुदैवाने कारचा वेग जास्त नसल्यामुळे मोठा अनर्थ होण्यापासून टळला. कार खाली पडल्यानंतर वाहनातील लोक बाहेर पडले. या अपघातामध्ये सुदैवाने कोणालाही गंभीर इजा झाली नाही.
अवश्य वाचा : संतोष देशमुख हत्या प्रकरणात वाल्मिक कराडला १४ दिवसांची न्यायालयीन कोठडी