Chain Snatching : नगर : सावेडी उपनगरातील गुलमोहर-रस्ता परिसरात सकाळी चालायला गेलेल्या वृध्द महिलेच्या गळ्यातील सोन्याचे मंगळसूत्र दोन अनोळखी व्यक्तीनी हिसकावून नेल्याची (Chain Snatching) घटना घडली आहे. या प्रकरणी तोफखाना पोलीस ठाण्यात (Tofkhana Police Station) गुन्हा दाखल झाला आहे. लिलाबाई गोरख सायकड (वय. ६६ रा. आसरा सोसायटी, गुलमोहर रस्ता, अहिल्यानगर) यांनी फिर्याद (Complaint) दिली आहे.
अवश्य वाचा: अतिवृष्टीग्रस्तांना दिलासा; शेतकऱ्यांच्या खात्यावर वर्ग होणार मदत : पंकजा मुंडे
दुचाकी वरून आलेल्या दोघांकडून चोरी
फिर्यादी गुरूवारी (ता. २५) सकाळी साडेसहा वाजता त्या आपल्या पतीसमवेत नेहमीप्रमाणे वॉकिंग साठी गेल्या होत्या. दरम्यान, पती गोरख सायकड हे भाजीपाला घेण्यासाठी पाईपलाईन रस्त्यावर थांबले असताना त्या एकट्याच एकविरा चौक ते पारीजात चौक या मार्गे घराकडे निघाल्या. सकाळी साडेसातच्या सुमारास सिद्धेश्वर कॉलनी जवळील कोहिनूर मंगल कार्यालयाजवळ पोहोचल्या असता, दुचाकीवर आलेले दोन अनोळखी इसम त्यांच्या मागून आले.
नक्की वाचा : असदुद्दीन ओवेसी यांच्या उपस्थितीत 30 सप्टेंबरला नगर येथे बैठक
गळ्यातील मंगळसूत्र हिसकावून पळ काढला (Chain Snatching)
सुरूवातीला त्यांनी हॉर्न वाजवत पुढे जाऊन कॉलनीत प्रवेश केला. त्यानंतर अचानक दुचाकीवरून उतरलेला एक व्यक्ती त्यांच्या पाठीमागून धावत येऊन गळ्यातील सोन्याचे मंगळसूत्र जबरीने ओढून नेऊ लागला. दरम्यान लिलाबाईंनी आरडाओरड करत प्रतिकार केला असता, चोरट्याने त्यांचे तोंड दाबून त्यांना खाली पाडले व गळ्यातील मंगळसूत्र हिसकावून पळ काढला.
