Criminals : नगर : भिंगार परिसरात घातक शस्त्र व गावठी कट्टे (Illegal Weapon) बाळगणाऱ्या सराईत गुन्हेगारावर (Criminals) एमपीडीए (MPDA) कायद्यान्वे एक वर्षाकरिता स्थानबद्ध करण्याबाबतची कारवाई (Action) करण्यात आली आहे. याबाबत जिल्हाधिकारी (Collector) यांनी आदेश पारित केले आहेत.

नक्की वाचा : रेल्वेभाडेवाढ ते तत्काळ तिकीट;भारतीय रेल्वेच्या नियमामध्ये आजपासून मोठे बदल

गंभीर स्वरुपाचे गुन्हे दाखल

प्रताप सुनील भिंगारदिवे (वय २९, रा. पंपिंग स्टेशन, सावतानगर, अहिल्यानगर), असे स्थानबद्ध केलेल्या आरोपीचे नाव आहे. प्रताप भिंगारदिवे हा सराईत गुन्हेगार असून त्याच्या विरोधात भिंगार कॅम्प पोलीस ठाण्यात शिविगाळ, दमदाटी करून धमकी देणे, घरात घुसुन महिलेस लज्जा उत्पन्न होईल असे कृत्य करणे, तसेच जिवे ठार मारण्याचा प्रयत्न करणे, गावठी कट्टा वापरणे असे गंभीर स्वरुपाचे गुन्हे दाखल आहेत.

अवश्य वाचा : शनैश्वर देवस्थान विरोधात विशाल सुरपुरिया यांची धर्मादाय आयुक्तांकडे तक्रार

भिंगारदिवे हा सराईत गुन्हेगार (Criminals)

भिंगारदिवे हा सराईत गुन्हेगार याचे समाज विघातक कृत्यांना आळा घालण्यासाठी भिंगार कॅम्प पोलीस ठाण्याचे सहायक पोलीस निरीक्षक जगदीश मुलगीर यांनी एम.पी.डी.ए. कायदयान्वये प्रस्ताव तयार करुन पोलीस उपविभागीय अधिकारी अमोल भारती यांच्या मार्फत पोलीस अधीक्षक सोमनाथ घार्गे यांच्याकडे सादर केला. त्यांनी जिल्हाधिकारी डॉ. पंकज आशिया यांनी पडताळणी करुन अहिल्यानगर जिल्ह्यातील सार्वजनीक सुव्यवस्था अबाधित राहावी याकरिता सराईत गुन्हेगार भिंगारदिवे याला स्थानबध्द करणे बाबतचे आदेश दिले आहेत. ही कारवाई पोलीस उपनिरीक्षक गजेंद्र इंगळे, पोलीस अंमलदार दीपक शिंदे, रवी टकले, संदीप घोडके, प्रमोद लहारे, महादेव पवार, नितीन शिंदे, रेखा पुंड, कविता हरिश्चंद्रे यांच्या पथकाने केली.