Dance of Hillary Virus : भारताने पाकिस्तानवर केलेल्या ऑपरेशन सिंदूरच्या (Operation Sindoor) कारवाईनंतर पाकिस्तान आता भारतीयांवर सायबर हल्ला (Cyber attack) करण्याच्या तयारीत असल्याची माहिती समोर आली आहे. गुप्तचर यंत्रणेने याबाबत सतर्कतेचा इशारा (Alert warning) दिला आहे. यंत्रणेने भारतीय लोकांना कुठल्याही अज्ञात फाईल्स, लिंकवर क्लिक न करण्याचं आवाहन केले आहे.भारतीय सैन्याने पाकिस्तानातील प्रमुख शहरातील दहशतवादी तळांवर अचूक हल्ले केले,त्याला विरोध म्हणून पाकने सायबर मोहीम हाती घेतल्याची माहिती आहे. त्यासाठी ‘डान्स ऑफ द हिलरी’ (Dance of Hillary Virus) नावाचा धोकादायक व्हायरस एका फाईलमध्ये टाकून सोशल मीडियावर सर्क्युलेट केला जात आहे.
नक्की वाचा : राजधानी दिल्लीला अलर्ट;लाल किल्ला,कुतुब मिनार सह ऐतिहासिक इमारतींच्या सुरक्षेत वाढ
मिळालेल्या माहितीनुसार, पाकिस्तान भारतीयांची संवेदनशील माहिती आणि आर्थिक डेटाशी निगडीत माहिती चोरण्यासाठी व्हॉट्सअप, फेसबुक आणि टेलिग्रामसारख्या प्लॅटफॉर्मचा वापर करत आहे. ‘डान्स ऑफ द हिलरी’ नावाचा सायबर व्हायरस व्हिडिओ, डॉक्युमेंट्सच्या माध्यमातून पसरवला जात आहे. मोबाईल किंवा ईमेलवर आलेल्या अज्ञात लिंकवर क्लिक केल्यास हा व्हायरल गंभीर नुकसान पोहचवू शकतो. त्यात हॅकर्सना तुमच्या बँक क्रेडेन्शियल्ससह अनेक गोपनीय माहिती मिळू शकते.
अवश्य वाचा : ‘ऑपरेशन सिंदूर’ नंतर भारतात पुन्हा सोन्याच्या किंमतीत वाढ
कोणत्या फाईल्स असणार धोकादायक? (Dance of Hillary Virus)
‘Dance of the Hillary‘ नावाने कुठलीही फाईल अथवा व्हिडिओ लिंक आल्यास क्लिक करू नका.
.exe फॉर्मेटमध्ये आलेली अज्ञात लिंक्स
tasksche.exe नावाची फाईल्स
नागरिकांचे काय नुकसान होणार ? (Dance of Hillary Virus)
कोणत्याही अज्ञात लिंकवर क्लिक करणे टाळावे.
तुमचे फोटो, व्हिडिओ आणि कागदपत्रे लीक होऊ शकतात.
बँकिंग अॅप मधून पैसे चोरीला जाऊ शकतात.
तुमचा फोन किंवा लॅपटॉप हॅक होऊ शकतो.
डिव्हाइसचा कॅमेरा आणि माइक रिमोटली चालू केला जाऊ शकतो.
‘डान्स ऑफ द हिलरी’ हा व्हायरस संशयास्पद लिंक्स आणि अटॅचमेंट फाईल्स द्वारे येतो. गुप्तचर यंत्रणेने भारतीयांना कोणत्याही अज्ञात फाईल्सवर क्लिक करणे,डॉक्युमेंट्स उघडणे टाळावे, असा सल्ला देण्यात आला आहे. या सायबर हल्ल्यामागे पाकिस्तानची आयएसआय आणि सायबर विंग असल्याचा संशय भारतीय गुप्तचर संस्थांना आहे. या हल्ल्याचा उद्देश भारतात दहशत पसरवणे, लष्करी प्रतिहल्ल्यांपासून लक्ष विचलित करणे, नागरिकांचा डेटा चोरणे आणि त्यांना ब्लॅकमेल करणे आणि भविष्यासाठी लक्ष्य करणे आहे. त्यामुळे सावधगिरी बाळगणे गरजेचं आहे.