Devendra Fadnavis : नगर : राज्य सरकारने अहिल्यानगर जिल्ह्यात शासकीय वैद्यकीय महाविद्यालय (Government Medical College) मंजूर केले आहे. हे वैद्यकीय महाविद्यालय अहिल्यानगर शहरातच व्हावे यासाठी शहराचे आमदार संग्राम जगताप (Sangram Jagtap) यांनी मुख्यमंत्री देवेंद्र फडणवीस व उपमुख्यमंत्री अजित पवार (Ajit Pawar) यांची विधीभवनात भेट घेत निवेदन दिले. यावेळी शासकीय वैद्यकीय महाविद्यालय अहिल्यानगर शहरातच होणार आहे, असे आश्वासन मुख्यमंत्री देवेंद्र फडणवीस (Devendra Fadnavis) यांनी आमदार जगताप यांना दिले.

अवश्य वाचा : पिस्तुल दाखवत व्यापाऱ्याला धमकावले; सहा जणांवर गुन्हा

नागरीकांसाठी वैद्यकीय सुविधेच्या दृष्टीने सोयीचे

अहिल्यानगर जिल्ह्यामध्ये शासकीय वैद्यकीय महाविद्यालय मंजूर झाले आहे. हे महाविद्यालय शहरातील मध्यवर्ती ठिकाणी होणे गरजेचे आहे. जेणेकरुन शहरासह जिह्यातील सर्व नागरीकांसाठी वैद्यकीय सुविधा उपलब्ध होण्याच्या दृष्टीने सोयीचे होईल.

नक्की वाचा : पुण्यातील सराईत गुन्हेगार अहिल्यानगरमध्ये गजाआड

नालेगाव परिसरातील कृषी विभागाची २५ एकर जमीन उपलब्ध (Devendra Fadnavis)

या वैद्यकीय महाविद्यालयासाठी अहिल्यानगर शहरातील मध्यवर्ती भाग असलेल्या नालेगाव परिसरातील कृषी विभागाची २५ एकर जमीन उपलब्ध आहे. सध्या ही जागा वापरात नसून त्या जागी जर सदर शासकीय वैद्यकीय महाविद्यालय सुरु केल्यास सर्व नागरिकांची सोय होईल. अहिल्यानगर जिल्ह्यासह सोलापूर, पुणे व मनमाड जिल्हांना जोडणारा हा मध्यवर्ती भाग आहे. तरी अहिल्यानगर जिल्ह्यात मंजुर झालेले शासकीय वैद्यकीय महाविदयालय कृषी विभागाच्या नालेगाव येथील २५ एकर जागेमध्ये होणेबाबत योग्य ते आदेश द्यावेत, अशी मागणी आमदार जगताप यांनी केली आहे.