नगर : राज्याचे मुख्यमंत्री देवेंद्र फडणवीस (Devendra Fadnavis) आणि मराठा आंदोलक मनोज जरांगे पाटील (Manoj Jarange Patil) हे पहिल्यांदाच एकाच व्यासपीठावर एकत्र दिसणार असल्याची माहिती समोर आली आहे. येत्या २६ ऑक्टोबरला मंगळवेढा येथे होणाऱ्या छत्रपती शिवाजी महाराजांच्या (Chhatrapati Shivaji Maharaj) पुतळा अनावरण सोहळ्याला या दोन्ही नेत्यांची उपस्थिती निश्चित झाली आहे. या पार्श्वभूमीवर राज्यातील राजकीय वर्तुळात चर्चांना उधाण आले आहे.
नक्की वाचा: आता इस्लामपूर नव्हे ईश्वरपूर;नामकरणाला केंद्र सरकारची मान्यता
मंगळवेढ्यात छत्रपती शिवाजी महाराजांच्या पुतळ्याचे अनावरण (Devendra Fadnavis Manoj Jarange Patil)
या कार्यक्रमाचे आयोजन भाजपचे पंढरपूर-मंगळवेढाचे आमदार समाधान अवताडे यांनी केले आहे.त्यांनी दिलेल्या माहितीनुसार, “राज्याचे मुख्यमंत्री देवेंद्र फडणवीस यांच्या हस्ते छत्रपती शिवाजी महाराजांच्या पुतळ्याचे अनावरण होणार आहे. मराठा समाजाचे नेते मनोज जरांगे पाटील यांनाही कार्यक्रमासाठी अधिकृत निमंत्रण देण्यात आले आहे. त्यांनी या सोहळ्यास उपस्थित राहण्याचे मान्य केले आहे,” अशी माहिती त्यांनी दिली आहे. या कार्यक्रमाला राज्यातील अनेक मंत्री, खासदार, आमदार तसेच सर्व पक्षांचे नेते मोठ्या संख्येने उपस्थित राहणार असल्याचेही अवताडे यांनी सांगितले.
अवश्य वाचा: आदिनाथ कोठारे साकारणार डिटेक्टिवची भूमिका!
मुख्यमंत्री फडणवीस आणि मनोज जरांगे पाटील एका स्टेजवर Devendra Fadnavis Manoj Jarange Patil)
मराठा आरक्षणाच्या पार्श्वभूमीवर मुख्यमंत्री फडणवीस आणि मनोज जरांगे पाटील एका स्टेजवर दिसणार असल्यामुळे या कार्यक्रमाचे राजकीय महत्त्व प्रचंड वाढले आहे. पुतळा समितीचे सदस्य कौंडू भैरी यांनी सांगितले की, “मुख्यमंत्री फडणवीस यांनी मराठा समाजाच्या आरक्षणाच्या प्रश्नावर योग्य तो न्याय देण्यासाठी प्रयत्न केले. त्यामुळे मनोज जिरंगे यांनीही या अनावरण सोहळ्याला उपस्थित राहण्यास मान्यता दिली आहे,”
