नगर : बॉलीवूड अभिनेत्री दिया मिर्झाचा एक नवा प्रोजेक्ट लवकरच प्रेक्षकांच्या भेटीस येणार आहे. या प्रोजेक्टमध्ये काही मराठी कलाकारांची वर्णी लागली आहे. ‘पन्हं’ (Panha) या नावाची नवीन शॉर्ट फिल्म प्रेक्षकांच्या भेटीस येत आहे. या शॉर्ट फिल्मची दिया ही निर्माती (Producer) आहे. यामध्ये असणाऱ्या मराठी कलाकारांनी सोशल मीडियावर पोस्ट करून दियाच्या या नव्या प्रोजेक्टची माहिती दिली आहे.
नक्की वाचा : चेन्नईसमोर आज गुजरातचे आव्हान;नव्या कर्णधारांची कसोटी
‘पन्हं’ मध्ये दिसणार अभिनेता पृथ्वीक प्रताप (Dia Mirza)
‘पन्हं’ या शॉर्टफिल्म मध्ये ‘महाराष्ट्राची हास्यजत्रा’ फेम अभिनेता पृथ्वीक प्रताप पाहायला मिळणार आहे. यासंदर्भात त्याने सोशल मीडियावर पोस्ट शेअर केली. “हृदयाच्या कोपऱ्यातला अत्यंत लाडका प्रोजेक्ट ‘पन्हं’ असं कॅप्शन त्याने या पोस्टला दिले आहे. पृथ्वीकसह मराठमोळी अभिनेत्री सायली संजीव देखील दियाच्या आगामी प्रोजेक्ट मध्ये दिसणार आहे. तिने देखील इन्स्टाग्राम स्टोरीवर या प्रोजेक्टसंबंधित पोस्ट शेअर केली आहे. “या प्रोजेक्टचा एक भाग होण्याचा मला खूप आनंद आहे,” असं लिहून तिने एक फोटो शेअर केला आहे.
हेही पहा : वडिल-मुलगा येणार एकत्र;शरद पोंक्षे निर्मिती क्षेत्रात पदापर्ण करणार
सायली संजीव ,भिनेता सुहास शिरसाट ‘पन्हं’ मध्ये झळकणार (Dia Mirza)
पृथ्वीक प्रताप,सायली संजीव बरोबर अभिनेता सुहास शिरसाट देखील ‘पन्हं’ या शॉर्ट फिल्ममध्ये झळकणार आहे. यासंदर्भात सुहासने इन्स्टाग्राम स्टोरी शेअर केली आहे. “एका दमदार टीमबरोबर नवीन काम”,असं लिहितं अभिनेत्याने क्लॅपचा फोटो देखील शेअर केला आहे.
सोशल मीडियावर कलाकारांनी शेअर केलेल्या फोटोवरून या शॉर्ट फिल्मचा विषय आपल्याला समजू शकतो. मात्र दिया मिर्झाची ही शॉर्ट फिल्म कधी प्रदर्शित होणार? यामध्ये आणखी कोणकोणते कलाकार पाहायला मिळणार? या सगळ्या प्रश्नांची उत्तर अजून गुलदस्त्यातच आहेत.