Diwali Ank : नगर : महाराष्ट्र साहित्य परिषदेच्या (Maharashtra Sahitya Parishad) अहिल्यानगर उपनगर शाखा व शांतीकुमार फिरोदिया मेमोरियल फाउंडेशनच्या (Shanthikumar Firodia Memorial Foundation) ‘वारसा’ या दिवाळी अंकाचे (Diwali Ank) प्रकाशन दीवाळी पाडव्याच्या शुभ मुहूर्तावर शनिवार दिनांक २ नोव्हेंबर रोजी सकाळी साडेअकरा वाजता सावेडी येथील रावसाहेब पटवर्धन स्मारक येथे होणार आहे.

नक्की वाचा: प्रकाश आंबेडकरांची प्रकृती बिघडली,रुग्णालयात दाखल

आमदार संग्राम जगताप यांच्या हस्ते दिवाळी अंकाचे प्रकाशन

शहराचे आमदार संग्राम जगताप यांच्या हस्ते वारसा दिवाळी अंकाचे प्रकाशन होणार आहे. महाराष्ट्र साहित्य परिषदेचे परिषदेचे उपनगर शाखेचे अध्यक्ष नरेंद्र फिरोदिया यांच्या अध्यक्षतेखाली होणाऱ्या या प्रकाशन सोहळ्यास ज्येष्ठ अभिनेते प्रकाश धोत्रे व ज्येष्ठ साहित्यिक सदानंद भणगे यांची प्रमुख उपस्थिती राहणार आहे, अशी माहिती महाराष्ट्र साहित्य परिषद उपनगर शाखेचे प्रमुख कार्यवाहक जयंत येलूलकर यांनी दिली.

अवश्य वाचा: “६ नोव्हेंबरपासून राहुल गांधी, मी आणि उद्धव ठाकरे प्रचार सुरु करतोय” : शरद पवार

साहित्य क्षेत्रात योगदान देणाऱ्यांचा करण्यात येणार सन्मान (Diwali Ank)

या कार्यक्रमात साहित्य क्षेत्रात मोलाचे योगदान देणाऱ्या अहिल्यानगर मधील व्यक्तिमत्त्वांना विशेष सन्मानित करण्यात येणार आहे. मराठी भाषेला नुकताच अभिजात भाषेचा दर्जा मिळाला असल्याने या पार्श्वभूमीवर या दिवाळी अंकाची निर्मिती करण्यात आली आहे. या दिवाळी अंकाच्या प्रकाशन सोहळ्यास जास्तीत जास्त नागरिकांनी उपस्थित राहावे, असे आवाहन संयोजकांच्या वतीने करण्यात आले आहे.