Dr. Sujay Vikhe Patil : नगर : भाजप प्रदेशाध्यक्ष रवींद्र चव्हाण (Ravindra Chavan) यांनी राज्यातील नव्या पदाधिकाऱ्यांच्या नावांची घोषणा केली आहे. यामध्ये प्रदेश उपाध्यक्ष, कोषाध्यक्ष, भाजप युवा मोर्चा अध्यक्ष, महिला मोर्चा अध्यक्ष, ओबीसी मोर्चा अध्यक्ष आणि मुख्य प्रवक्ता या पदांचा समावेश आहे. रवींद्र चव्हाण यांनी दिलेल्या माहितीनुसार, माजी खासदार सुजय विखे (Sujay Vikhe Patil) यांच्यासह, आमदार गोपीचंद पडळकर, रामदास कडस, भारती पवार, अतुल काळसेकर यांची प्रदेश उपाध्यक्षपदी निवड करण्यात आली आहे. तर मुख्य प्रवक्ता म्हणून नवनाथ बन यांची निवड करण्यात आली आहे. यापूर्वी नवनाथ बन (Navnath Ban) पक्षात माध्यम प्रमुख म्हणून भूमिका बजावत होते. तर दुसरीकडे भाजपने मोठा निर्णय घेत महाराष्ट्र भाजपच्या कोषाध्यक्ष म्हणून मिहिर कोटेचा यांची निवड करण्यात आली आहे.
नक्की वाचा: हा तर हनीट्रॅपचा प्रकार; अभिषेक कळमकर प्रकरणात निलेश लंकेंचा दावा
भाजप प्रदेशाध्यक्ष रवींद्र चव्हाण म्हणाले की
महाराष्ट्रातील राजकारणात महत्त्वाची घडामोड घडत भाजपने आपल्या नव्या प्रदेश कार्यकारिणीची घोषणा केली आहे. दीर्घ प्रतीक्षेनंतर जाहीर झालेल्या या यादीत अनेक नव्या चेहऱ्यांना संधी देण्यात आली असून, आगामी निवडणुकांच्या पार्श्वभूमीवर पक्ष संघटन मजबूत करण्याचा स्पष्ट संदेश देण्यात आला आहे. विशेष म्हणजे, नगर जिल्ह्यासाठी अभिमानाची बाब ठरावी अशी निवड करत माजी खासदार डॉ. सुजय विखे पाटील यांना थेट प्रदेश उपाध्यक्षपदाची जबाबदारी देण्यात आली आहे.
अवश्य वाचा: राजधानी दिल्ली हाय अलर्टवर, ISIशी संबंधित 8 संशयितांना अटक
मुख्यमंत्री फडणवीस यांची नेमणुकीबाबत चर्चा (Dr. Sujay Vikhe Patil)
डॉ. सुजय विखे पाटील यांना राज्य पातळीवर मोठी जबाबदारी
भाजपचे प्रदेशाध्यक्ष रवींद्र चव्हाण यांनी मुंबईतून नव्या कार्यकारिणीची घोषणा केली. या घोषणेत डॉ. सुजय विखे पाटील यांच्यासह इतर दहा जणांची प्रदेश उपाध्यक्षपदी निवड जाहीर करण्यात आली. विधानसभा, नगरपालिका आणि महानगरपालिका निवडणुकांदरम्यान त्यांनी केलेल्या संघटनात्मक कामाची आणि पक्षविस्तारासाठी घेतलेल्या मेहनतीची दखल या निवडीमधून घेतल्याचे राजकीय वर्तुळात बोलले जात आहे.
नगर जिल्ह्यातून थेट राज्य संघटनेत एवढ्या उच्च पदावर वर्णी लागण्याची ही पहिलीच वेळ असल्याने कार्यकर्त्यांमध्ये उत्साहाचे वातावरण आहे. स्वतः डॉ. विखे पाटील यांनीही या जबाबदारीला संधी मानत राज्यभर पक्षवाढीसाठी अधिक जोमाने काम करण्याचा निर्धार व्यक्त केला आहे.
२०२९ च्या निवडणुकांवर लक्ष
भाजपच्या केंद्रीय नेतृत्वाने या नव्या कार्यकारिणीला मान्यता देताना २०२९ मधील लोकसभा आणि विधानसभा निवडणुका डोळ्यासमोर ठेवल्याचे स्पष्ट संकेत दिले आहेत. संघटनात्मक बळकटी, नव्या नेतृत्वाला वाव आणि विविध सामाजिक घटकांपर्यंत पोहोच वाढवणे या उद्दिष्टांवर भर देण्यात आला आहे. नव्या चेहऱ्यांना दिलेली संधी ही आगामी राजकीय रणनीतीचा भाग मानली जात आहे.
भाजप पदाधिकाऱ्यांची यादी खालीलप्रमाणे
प्रदेश उपाध्यक्षपदी निवड झालेली प्रमुख नावे
डॉ. सुजय विखे पाटील यांच्यासह खालील नेत्यांना प्रदेश उपाध्यक्षपदाची जबाबदारी देण्यात आली आहे:
गोपीचंद पडळकर, चेतन देशमुख, अतुल कासेकर, भारती पवार, संजय कोडगे, संजय भेंडे, रामदास तडस, केशव उपाध्याय, प्रवीण पोटे आणि अर्चना चाकोरकर.
कोषाध्यक्ष
मिहिर कोटेचा
भाजप महिला मोर्चा अध्यक्ष
चित्रा वाघ
भाजप युवा मोर्चा अध्यक्ष
कृष्णराज महाडिक
भाजप ओबीसी मोर्चा अध्यक्ष
योगेश टिळेकर
मुख्य प्रवक्ता
नवनाथ बन
भाजप सरचिटणीस
निरंजन डावखरे
संजय कुटे
माधवी नाईक
राजेश पांडे
सुनिल राणे
योगेश सागर
भाजप चिटणीस
मंगेश चव्हाण
संजय कुटे
परिणय फुके
वर्षा डहाळे
संजय जगताप
अर्चना डेहणकर
रोहिणी नायडू
राम सातपुते
प्रविण घुगे
रेखा कुलकर्णी
भैरवी घाक
राजकीय समीकरणांमध्ये नवा अध्याय
या नव्या नियुक्त्यांमुळे भाजपच्या राज्य संघटनेत ताजेपणा आणि नवे नेतृत्व समोर आले आहे. जिल्हा ते राज्य असा प्रवास करत नेतृत्वाला मिळालेली संधी ही कार्यकर्त्यांसाठी प्रेरणादायी मानली जात आहे. आगामी निवडणुकांच्या पार्श्वभूमीवर संघटनात्मक शिस्त, विस्तार आणि प्रभावी जनसंपर्क यावर भर देत पक्ष पुढील वाटचाल करणार असल्याचे संकेत या घोषणेतून मिळत आहेत.
