ED Raids : मुंबईसह नाशिक आणि वसई-विरारमधून (Vasai-Virar) एका मोठी बातमी समोर आली आहे. या तिन्ही ठिकाणी ईडीने अचानक कारवाई (ED action) करत मोठे छापे टाकले आहे. मुंबईसह नाशिक आणि वसई-विरारमध्ये १२ ठिकाणी छापेमारी (Raids at 12 Locations) करण्यात आली आहे. यात वसई-विरार महापालिकेतील माजी आयुक्त अनिलकुमार पवार यांच्या घरावर कारवाई केल्याची माहिती आहे. अनधिकृत बांधकाम प्रकरणी ही छापेमारी करण्यात आली आहे. विशेष म्हणजे सोमवारी(ता.२८) त्यांनी वसई-विरार महापालिकेतील आयुक्त पदाचा कारभार मनोज कुमार सूर्यवंशी यांच्या हाती सुपूर्द केला होता. या घटनेला काही तास उलटत नाही तर ही छापेमारी करण्यात आली आहे.
नक्की वाचा : शुभमन गिलची ऐतिहासिक कामगिरी!मँचेस्टर कसोटी सामन्यात कॅप्टनने मोडले अनेक रेकार्ड
माजी आयुक्त अनिल कुमार पवार यांच्या घरी ईडीची छापेमारी (ED Raids)
वसई-विरार महानगरपालिकेचे माजी आयुक्त अनिल कुमार पवार यांच्या वसई येथील दीनदयाल नगरमधील निवासस्थानी आज सकाळी साडे सात वाजता ईडीने ही छापेमारी केली आहे. डंपिंग ग्राउंडवर उभारण्यात आलेल्या ४१ अनधिकृत इमारतींच्या प्रकरणी ही कारवाई करण्यात आली आहे. अनिल कुमार पवार यांनी कालच वसई-विरार शहर महानगरपालिकेच्या आयुक्तपदाचा पदभार मनोज कुमार सूर्यवंशी यांच्याकडे सुपूर्द केला होता. त्यांची नियुक्ती ठाण्यातील मुंबई महानगर प्रदेश झोपडपट्टी पुनर्वसन प्राधिकरण येथे मुख्य कार्यकारी अधिकारी म्हणून झाली होती.
अवश्य वाचा : ‘सैयारा’चा बॉक्स ऑफिसवर धमाका!९ दिवसांत कमावले तब्बल २२० कोटी
४१ अनधिकृत इमारतींशी संबंधित कारवाई (ED Raids)
ईडीने यापूर्वी वसई-विरार शहरातील बिल्डर, आर्किटेक्ट आणि महानगरपालिकेचे अधिकारी वाय.एस.रेड्डी यांच्यावरही याच प्रकरणी छापे टाकले होते. सध्या ईडीचे अधिकारी अनिल कुमार पवार यांच्या निवासस्थानी कागदपत्रांची तपासणी करत आहेत. हे प्रकरण वसई, विरार, नालासोपारा पूर्वेकडील ४१ अनधिकृत इमारतींशी संबंधित आहे, ज्या डंपिंग ग्राउंडवर बेकायदेशीरपणे बांधल्या गेल्या होत्या. या प्रकरणाची ईडीकडून सखोल चौकशी सुरू आहे.
