Election : नगर : जिल्ह्यातील १२ नगरपरिषद/नगरपंचायत (Municipal Councils and Nagar Panchayat) सार्वत्रिक निवडणुकांसाठी (Election) नाशिक विभागीय आयुक्त डॉ. प्रविण गेडाम (Dr. Pravin Gedam) यांनी चार निवडणूक निरीक्षकांची नियुक्ती केली आहे. नियुक्त निरीक्षकांना त्यांच्या कार्यक्षेत्रात भेटी देऊन निवडणूक तयारीचा आढावा घेण्याचे निर्देश देण्यात आले आहेत.
अवश्य वाचा : काही शेतकऱ्यांच्या खात्यावर अनुदानाचे पैसे जमा, तर अनेकांना अद्याप प्रतीक्षा
यांची करण्यात आली नियुक्ती
कोपरगाव, संगमनेर व शिर्डी नगरपरिषदांसाठी नाशिक जिल्हा परिषदेचे मुख्य कार्यकारी अधिकारी ओमकार पवार, तर राहाता, देवळाली प्रवरा व राहुरीसाठी नंदुरबारचे अपर जिल्हाधिकारी पांडुरंग श्रीपती मगदूम निरीक्षक म्हणून कार्य करतील. श्रीरामपूर, शेवगाव व नेवासा क्षेत्रांसाठी जळगावचे अपर जिल्हाधिकारी श्रीमंत चांगदेव हारकर, तर पाथर्डी, श्रीगोंदा व जामखेड नगरपरिषदांसाठी जळगाव जिल्हा परिषदेच्या मुख्य कार्यकारी अधिकारी मिनल करणवाल यांची नियुक्ती करण्यात आली आहे.
नक्की वाचा : काँग्रेसकडून नगरसेवक पदासाठी इच्छुक उमेदवारांच्या चाचणीला सुरुवात; मुलाखतीसाठी अर्ज मागविले
सर्व अहवाल आयोगास सादर करणे बंधनकारक (Election)
निवडणूक निरीक्षकांना मतदान केंद्रांची उपलब्धता व सोयी-सुविधा, कर्मचारी व प्रशिक्षणव्यवस्था, स्ट्रॉंग रूम व मतमोजणीची तयारी तसेच विभागांमधील समन्वय यांचा संक्षिप्त आढावा घेण्याचा तसेच आचारसंहिता अंमलबजावणी, खर्च नियंत्रण, पेड न्यूज व सोशल मीडिया निरीक्षण याकडे काटेकोर लक्ष देण्याचे निर्देश राज्य निवडणूक आयोगाने दिले आहेत. नामनिर्देशन छाननीपासून ते मतदान व मतमोजणीपर्यंतच्या सर्व टप्प्यांचा आढावा घेऊन संबंधित अहवाल विभागीय आयुक्त व राज्य निवडणूक आयोगास सादर करणे बंधनकारक असल्याचे स्पष्ट करण्यात आले आहे.
