Electricity : नगर : महापालिकेच्या (AMC) विविध प्रकल्पांच्या वीज बिलाच्या खर्चात बचत व्हावी, या उद्देशाने शहरात चार ठिकाणी सौर ऊर्जा (Solar Energy) प्रकल्प उभारण्यात आले आहेत. या माध्यमातून दोन हजार किलोवॅट वीजनिर्मिती (Electricity) होणार आहे. यासाठी राज्य शासनाने निधी उपलब्ध करून दिला आहे. या प्रकल्पातून निर्मिती होणारी वीज तेथील प्रकल्पातच वापरली जाणार आहे. या माध्यमातून महापालिकेची सुमारे ४ कोटी २० लाख रुपयांची बचत होणार आहे. लवकरच हे प्रकल्प कार्यान्वित होणार असल्याची माहिती आयुक्त यशवंत डांगे (Yashwant Dange) यांनी दिली.

नक्की वाचा : लाडकी बहीण योजनेच्या प्रचारासाठी सरकारचा मोठा निर्णय

१२.७० कोटींच्या निधीतून सौर ऊर्जा प्रकल्प

आयुक्त डांगे यांनी सौर ऊर्जा प्रकल्पाचा आढावा घेतला. शहरात राज्य शासनाच्या १० कोटी व महापालिकेच्या २.७० कोटींच्या अशा १२.७० कोटींच्या निधीतून नालेगाव अमरधाम येथे २५० किलोवॅट, सावेडी कचरा डेपोच्या जागेत ३०० किलोवॅट, बुरुडगाव कचरा डेपो ५०० किलोवॅट, मलनिस्सारण प्रकल्प येथे ९५० किलोवॅट क्षमतेचा वीजनिर्मिती प्रकल्प उभारण्यात आले आहे. यात निर्मिती होणाऱ्या वीजेचे वार्षिक ३० लाख युनिट संबंधित जागेतील प्रकल्पात खर्च होणार आहेत. त्यातून ४ कोटी २० लाख रुपयांची वीज बिलाची बचत होणार आहे. सोलर पॅनल सिस्टीम उभारण्यात आली आहे. लवकरच ट्रान्सफॉर्मर बसवले जाणार आहेत. त्यानंतर हे चारही प्रकल्प कार्यान्वित होणार आहेत.

अवश्य वाचा : “भारतात नॉन-व्हेजवर बंदी घालायला पाहिजे”; अभिनेते शत्रुघ्न सिन्हा यांचं मोठं वक्तव्य

चार प्रकल्पांमुळे वीजबिलात होणार बचत (Electricity)

महापालिकेने यापूर्वी शहरात अमृत अभियानांतर्गत आठ ठिकाणी सोलर पॅनल सिस्टीम उभारली आहे. त्याद्वारे १ हजार ६५० किलोवॅट वीज निर्मिती केली जात आहे. महापालिकेचा विविध प्रकल्पांवर होणार वीजबिलाचा खर्च मोठा आहे. या चार प्रकल्पांमुळे वीजबिलात बचत होणार आहे, असे ही आयुक्त डांगे यांनी सांगितले.