नगर : २०१५ ला प्रदर्शित झालेल्या ‘ख्वाडा’ या चित्रपटातुन राष्ट्रीय पुरस्कारावर नाव कोरण्यात दिग्दर्शक भाऊराव कऱ्हाडे (Bhaurao Karhade) यशस्वी झाले. ‘ख्वाडा’, ‘बबन’, ‘टीडीएम’ अशा वास्तववादी धाटणीच्या चित्रपटांमधून आपलं वेगळेपण दाखवून दिले आहे. आता भाऊराव एका नव्या चित्रपटाच्या माध्यमातून पुन्हा प्रेक्षकांचे मनोरंजन करणार आहेत. आपल्या आगामी ‘फकिरा’ या चित्रपटाची घोषणा नुकतीच त्यांनी केली. चित्रपटाच्या घोषणा प्रसंगी साहित्यरत्न अण्णाभाऊ साठे (Annabhau Sathe) यांची स्नूषा सावित्रीबाई मधुकर साठे, दिग्दर्शक भाऊराव कऱ्हाडे, अभिनेते नागेश भोसले, कमलेश सावंत, चित्रपटाचे डीओपी वीरधवल पाटील, लेखक मंदार जोशी आदि मान्यवर उपस्थित होते.
नक्की वाचा : ‘संघर्षयोद्धा’ चित्रपटातील छत्रपती शिवाजी महाराजांची नवी आरती प्रदर्शित
अण्णाभाऊ साठे यांच्या ‘फकिरा’ या अप्रतिम कादंबरीवर येणार चित्रपट (Fakira Movie)
इतिहासात दडलेल्या शौर्याचं तळपतं पान ते आपल्या फकिरा चित्रपटातून उलगडणार आहेत. मराठी साहित्य विश्वात मानाचं स्थान असलेल्या साहित्यरत्न अण्णाभाऊ साठे यांच्या ‘फकिरा’ या अप्रतिम कादंबरीवरचा हा चित्रपट आहे. विषय आणि सादरीकरणाच्या कक्षा रुंदावणाऱ्या या भव्य चित्रपटातून मराठी चित्रपटसृष्टीतील मोठी कलाकार मंडळी दिसणार आहेत. अभिनेते नाना पाटेकर, सयाजी शिंदे, प्रसाद ओक, मृणाल कुलकर्णी, मकरंद देशपांडे, मुक्ता बर्वे, नागेश भोसले, संदीप पाठक, कमलेश सावंत, किरण माने असे दिग्गज चेहरे या चित्रपटात दिसणार आहेत. रुद्रा ग्रुप आणि चित्राक्ष निर्मिती यांच्या या चित्रपटात ‘फकिरा’ ही मध्यवर्ती भूमिका कोण करणार? हे अजूनही गुलदस्त्यात आहे.
अवश्य वाचा : हैदराबादने २५ धावांनी जिंकला सामना;आरसीबीची पुन्हा हार
२०२५ मध्ये प्रदर्शित होणाक ‘फकिरा’ चित्रपट (Fakira Movie)
‘नशिबाने साथ दिली तर उत्तम कलाकृती साकारायला मिळते. माझ्या नशिबाने ‘फकिरा’ ही कलाकृती साकारण्याचे भाग्य मला मिळाले, याबद्दल दिग्दर्शक भाऊराव कऱ्हाडे यांनी समाधान व्यक्त केले. ‘अशा विषयाचा चित्रपट करण्यासाठी अंगी अचाट धाडस लागते. दिग्दर्शक भाऊराव कऱ्हाडे याने हे धाडस दाखवलं त्याबद्दल त्यांचे आभार व्यक्त करतो असे म्हणत,अभिनेते नागेश भोसले यांनी चित्रपटाला शुभेच्छा दिल्या. एका उत्तम प्रोजेक्टचा भाग होता आल्याचा आनंद अभिनेते कमलेश सावंत यांनी व्यक्त केला. समाजाला भोगाव्या लागणाऱ्या हालअपेष्टा, इंग्रजी राजवटीचा आत्यंतिक जुलूम आणि सर्वांविरोधात बंड करणारा लढवय्या ‘फकिरा’ याचे यथार्थ चित्रण करणाऱ्या ‘फकिरा’ कादंबरीचे चित्ररूप रुपेरी पडद्यावर पहायला मिळणार आहे. २०२५ मध्ये ‘फकिरा’ हा चित्रपट प्रदर्शित होईल.