Govind Barge Murder Case: बीडच्या गेवराई तालुक्यातील माजी उपसरपंच गोविंद बर्गे (Govind Barge) यांच्या आत्महत्येने (Murder Case) राज्यात मोठी खळबळ उडाली होती. गोविंद बर्गे यांचे कला केंद्रात नर्तकी असणाऱ्या पूजा गायकवाड (Puja Gaikwad) हिच्याशी प्रेमसंबंध होते. मात्र मंगळवारी सकाळी तिच्या घरासमोरच गाडीत गोविंद यांचा मृतदेह आढळून आला होता. आता गोविंद बर्गे यांच्या नातेवाईकांनी ही आत्महत्या नसून घातपाताचा प्रकार आहे, असा दावा केला आहे. गोविंद बर्गे यांच्या भाच्याने (Nephew) या प्रकरणात राजकीय कनेक्शन असल्याचे म्हटले आहे. त्यामुळे या प्रकरणात नवा ट्विस्ट येण्याची शक्यता आहे.
नक्की वाचा : ऐकावे ते नवलच!आईने कचरा टाकायला सांगितल्याने मुलगा गेला घर सोडून
गोविंद बर्गे यांचा भाचा नेमकं काय म्हणाला ? (Govind Barge Murder Case)
गोविंद बर्गे यांच्या भाच्याने म्हटले आहे की, माझा मामा हा निर्व्यसनी होता. त्याच्याकडे कधीही बंदूक नव्हती. हा काहीतरी मोठा कट असून माझ्या मामाला फसवण्यात आले आहे. गेल्या सहा महिन्यांपासून माझा मामा प्रचंड तणावात होता. काही राजकीय लोकांनीच माझ्या मामाची आणि पूजा गायकवाडची ओळख करुन दिली होती. त्यांनी कट रचून हे सर्व केले. पण आता वेगळेच चित्र दाखवले जात आहे,असा दावा गोविंद बर्गे यांच्या भाच्याने केला.आमच्या कुटुंबाला बदनाम करण्याचा प्रयत्न सुरु आहे. माझ्या मामाला कोणतेही व्यसन नसताना त्याच्या गाडीत दारुच्या बाटल्या टाकण्यात आल्या,असेही बर्गे यांच्या भाच्याने म्हटले.
अवश्य वाचा : ऐकावे ते नवलच!आईने कचरा टाकायला सांगितल्याने मुलगा गेला घर सोडून
गोविंद बर्गे हे त्यांच्यासोबत कधी साधी काठीही ठेवत नव्हते. मग त्यांच्याकडे पिस्तूल असण्याचा प्रश्नच येत नाही,असा ठाम दावा गोविंद बर्गे यांच्या इतर नातेवाईकांनी केला. त्यामुळे याप्रकरणातील गूढ आणखी वाढले आहे. गोविंद बर्गे यांच्या डोक्याच्या उजव्या भागातून गोळी शिरुन डाव्या भागातून बाहेर पडली होती. त्यामुळे आता पोलिसांना गोविंद बर्गे यांच्या शवविच्छेदन अहवालाची प्रतीक्षा आहे. त्यामधून कोणती नवीन गोष्ट समोर येणार याकडेच सगळ्याचे लक्ष लागले आहे.
आत्महत्या प्रकरणात पोलिसांनी नर्तकी पूजा गायकवाडला अटक (Govind Barge Murder Case)
गोविंद बर्गे यांच्या आत्महत्या प्रकरणात पोलिसांनी नर्तकी पूजा गायकवाड हिला अटक केली आहे. तिला बुधवारी न्यायालयात हजर करण्यात आले होते. त्यावेळी पूजा गायकवाड हिला तीन दिवसांची पोलीस कोठडी सुनावण्यात आली. आता तिच्या चौकशीतून काय माहिती बाहेर येणार, याकडेही सर्वांच्या नजरा लागल्या आहेत.
