Hard Labor Punishment : नगर : अहिल्यानगर शहरातील पुणे बसस्थानका बाहेर रस्त्यात अडवून लूटमार करणाऱ्या आरोपीला दोषी धरून दिवाणी न्यायाधीश (Judge) प्रतिभा. ए. पाटील यांनी सात वर्षांची सक्त मजुरीची शिक्षा (Hard Labor Punishment) आहे. आरोपी (Accused) नवाज रउफ सय्यद (वय ३१), ऋषभ प्रकाश क्षेत्रे (वय १८), परवेज मेहमूद सय्यद (रा. अहिल्यानगर) असे आरोपींचे नावे आहेत. या आरोपींना १० हजार दंड व दंड न भरल्यास सहा महिने साधी कैद, अशी शिक्षा ठोठावली. या प्रकरणी सरकारी वकील भाग्यश्री शंकरराव कुंजर यांनी काम पाहिले.
अवश्य वाचा : ‘त्या’ दोन्ही डॉक्टरांचा जामीन अर्ज मागे
याबाबत हकीकत अशी की,
फिर्यादी हे पुण्याहून अहिल्यानगर येथे आला असता ते रात्री साडे अकराच्या सुमारास अहिल्यानगर येथील पुणे बसस्थानक येथे उतरून बाहेर आले. चौकात रिक्षाची वाट पाहत असताना आरोपी हे दुचाकीवर येऊन त्यास दमदाटी करून त्याच्याकडे पैशाची मागणी केली. फिर्यादीने देण्यास नकार दिले असता, त्यातील आरोपीने त्यांच्या गळ्‌याला चाकू लावून इतर दोघांनी फिर्यादीस लाथबुक्क्यांनी मारहाण केली. त्यांच्या खिशातील तीन हजार रूपये रक्कम, मोबाईल व इतर साहित्य बळजबरीने काढून घेतले. याबाबत कोतवाली पोलीस ठाण्यात गुन्हा दाखल करण्यात आला होता.
नक्की वाचा : सुनीता भांगरे यांचा भाजपमध्ये जाहीर प्रवेश
फिर्यादी यांची साक्ष ठरली महत्वाची (Hard Labor Punishment)
या घटनेचा संपूर्ण तपास सहायक पोलीस निरीक्षक हेमंत भंबाळे यांनी करून न्यायालयात आरोपींविरूध्द दोषारोपपत्र दाखल केले. या खटल्यामध्ये सरकार पक्षातर्फे एकूण चार साक्षीदार तपासण्यात आले. यामध्ये पंच, साक्षीदार, तपासी अधिकारी, फिर्यादी यांची साक्ष महत्वाची ठरली. फिर्यादीची साक्ष ग्राह्य धरली. या खटल्यात सरकारी वकिल यांनी हा गुन्हा गंभीर स्वरूपाचा असून, अशा प्रकारचे गुन्हे समाजात वाढत चालले आहे. तिन्ही आरोपी सराईत गुन्हेगार असून, त्यांच्यावर अशा प्रकारचे इतर अनेक गुन्हे दाखल आहेत. तरी त्यांना कायद्याचे वचक बसणे आवश्यक आहे. त्यामुळे आरोपीस जास्तीत जास्त शिक्षा करण्यात यावी. सरकारी वकीलांचा युक्तीवाद तसेच दाखल करण्यात आलेला संपूर्ण पुरावा ग्राहय धरून न्यायालयाने आरोपीना सात वर्षांची शिक्षा ठोठावली. सदर खटल्याचे कामकाज सरकारी वकील भाग्यश्री शंकरराव कुंजर यांनी पाहिले. पैरवी अधिकारी सहायक फौजदार एस. के. सोनवणे, तसेच सहायक पोलीस निरीक्षक हेमंत भंबाळे, पोलीस सचिन डमाळे यांनी सहकार्य केले.
