Health Camp : नगर : जागतिक फिजिओथेरपी दिनाचे (World Physiotherapy Day) औचित्य साधून अहिल्यानगर महानगरपालिकेत (AMC) आयुक्त तथा प्रशासक यशवंत डांगे (Yashwant Dange) यांच्या पुढाकारातून कर्मचारी व अधिकाऱ्यांसाठी आरोग्य शिबिराचे (Health Camp) आयोजन करण्यात आले. या शिबिरात फिजिओथेरपिस्ट तज्ज्ञांनी पाठदुखी, मानदुखी, गुडघेदुखी, पाठीच्या कण्यातील विकार तसेच सांधेदुखी यांसारख्या सामान्य परंतु महत्त्वाच्या समस्या ओळखून त्यावर मार्गदर्शन केले. दीर्घकाळ कार्यालयीन कामकाजामुळे निर्माण होणारा शारीरिक ताण, चुकीच्या बसण्याच्या पद्धतीमुळे होणारी वेदना आणि हालचालीतील मर्यादा यावर उपाययोजना सुचवून सोप्या व्यायामाची प्रात्यक्षिके दाखवून जनजागृती करण्यात आली.
नक्की वाचा: मुख्यमंत्री समृद्ध पंचायतराज अभियान जिल्ह्यातील प्रत्येक गावात यशस्वीपणे राबवा
पुढील उपचार व काळजी याबाबत मार्गदर्शन
शिबिरात कर्मचाऱ्यांची प्राथमिक तपासणी करून कर्मचाऱ्यांना नियमित व्यायाम, योग्य आसनपद्धती, सकस आहार व सक्रिय जीवनशैली अंगीकारण्याचे आवाहन करण्यात आले. फिजिओथेरपिस्टांनी प्रत्यक्ष प्रात्यक्षिकाद्वारे सोपे व्यायाम, स्ट्रेचिंग तंत्रे, ऑफिसमध्येच करता येतील असे लहानसे व्यायाम दाखवले. शिबिरात सहभागी कर्मचारी व अधिकाऱ्यांनी वैयक्तिक समस्यांवर तज्ज्ञांचा सल्ला घेतला. काही कर्मचाऱ्यांनी या निमित्ताने आपली शरीरस्थिती तपासून घेऊन पुढील उपचार व काळजी याबाबत मार्गदर्शन घेतले. या शिबिरामुळे कार्यरत कर्मचाऱ्यांना केवळ आजारपणावर उपायच नव्हे तर भविष्यात उद्भवणाऱ्या शारीरिक समस्यांना प्रतिबंध घालण्याबाबतही जागरूकता निर्माण झाली.
अवश्य वाचा : रविशंकर विद्यालयाने पारंपरिक पद्धतीने दिला गणरायाला निरोप
आयुक्त/ प्रशासक यशवंत डांगे म्हणाले की, (Health Camp)
जागतिक फिजिओथेरपी दिन दरवर्षी ८ सप्टेंबर रोजी साजरा केला जातो. या दिवशी फिजिओथेरपीच्या महत्त्वाची जनजागृती केली जाते. नागरिकांना औषधाविना उपचाराच्या या शास्त्राचे फायदे समजावले जातात. महानगरपालिकेने घेतलेले हे शिबिर केवळ कर्मचारी व अधिकाऱ्यांच्या आरोग्यविषयक फायद्यासाठीच नव्हे तर कार्यक्षमतेत वाढ करण्यासाठीही महत्त्वाचे ठरेल, असा विश्वास आयुक्त तथा प्रशासक यशवंत डांगे यांनी व्यक्त केला.
