viral video : देशभरात दररोज वेगवगेळ्या घटना सोशल मीडियावर व्हायरल होतात. व्हायरल झालेल्या व्हिडीओंमध्ये अपघात,भांडणे,खून अशा अनेक घटना पाहायला मिळतात. आता अशाच प्रकारचा एक व्हिडीओ चांगलाच व्हायरल (Viral Video) झाला आहे. हा व्हिडिओ हरियाणामधील (Hariyana) हिसार (Hisar) जिल्ह्यातला आहे.आतापर्यंत आपण मुले संपत्तीसाठी भांडताना पहिले असतील, मात्र या व्हिडिओत एका महिलेने आपल्याच आईला संपत्तीच्या वादातून मारहाण केल्याची घटना घडली आहे.
नक्की वाचा : पुणे अत्याचार प्रकरण;आरोपी दत्तात्रय गाडेच्या अटकेची A टू Z स्टोरी
मुलीची आईलाच अमानुष मारहाण (Hisar Viral Video)
व्हायरल झालेल्या या व्हिडीओत एक महिला स्वत:च्या वृद्ध आईला कानशिलात मारताना, दाताने चावा घेताना आणि आईचे केस ओढत अमानुषपणे मारहाण करतानाचे दिसत आहे. या प्रकरणात ही मारहाण संपत्तीच्या वादातून करण्यात आल्याचं सांगण्यात आलं आहे. या व्हायरल व्हिडीओत एक महिला आपल्या वृद्ध आईला बेदम मारहाण करत आहे. यावेळी वृद्ध आई जोरात ओरडत होती, पण तरीही मुलीला आईची थोडीदेखील दया आली नाही. एवढंच नाही तर ‘माझ्या हाताने तू मरशील’,असं ती महिला आईला म्हणत असल्याचंही या व्हिडिओत दिसत आहे. या प्रकरणात पीडितेच्या मुलाने तक्रार दिल्यानंतर आझादनगर पोलिसांनी गुन्हा दाखल केला आहे.
अवश्य वाचा : उत्तराखंडमध्ये झालेल्या हिमस्खलनात ५७ मजूर अडकले;१६ जणांना वाचवण्यात यश
आरोपी महिलेविरुद्ध विविध कलमांखाली गुन्हा दाखल (Hisar Viral Video)
यावेळी एका पोलीस अधिकाऱ्याच्या म्हणण्यानुसार,आरोपी महिलेविरुद्ध प्राणघातक हल्ला आणि जीवे मारण्याच्या धमक्या देण्यासह विविध कलमांखाली गुन्हा दाखल करण्यात आला आहे. या प्रकरणातील फिर्यादीने पोलिसांना माहिती देताना सांगितलं की, “त्यांच्या बहिणीचे लग्न झाले होते. मात्र,लग्नानंतर ती बहीण आईबरोबर हिसारच्या आझाद नगरमध्ये राहत होती. फिर्यादीने आरोप केला आहे की,त्यांची बहीण त्यांच्या आईचा मानसिक आणि शारीरिक छळ करत होती. राहतं घर तिच्या नावावर करण्यासाठी ती आईवर दबाव आणत असल्याचं आरोप फिर्यादीने केला आहे.
फिर्यादीने पुढे सांगितले की,त्यांच्या आईला घरात कोंडून ठेवण्यात आलं होतं. तसेच जेवण देखील देण्यात आलं नव्हतं. तसेच मी जेव्हा आईला भेटायला जातो,तेव्हा बहीण माझ्यावरही चुकीचे आरोप करते. आपल्या आईला धमकावते. या प्रकरणात आरोपीवर कठोर कारवाई करण्यात यावी, अशी मागणी देखील फिर्यादीने केली आहे. या व्हायरल व्हिडीओ प्रकरणात आझाद नगर पोलिसांनी महिलेवर प्राणघातक हल्ला आणि जीवे मारण्याच्या धमक्या देण्यात आल्याच्या कलमांखाली गुन्हा दाखल करण्यात आला आहे. या प्रकरणाचा अधिक तपास पोलीस करत असल्याची माहिती सांगण्यात येत आहे.