Illegal Sand Transport : नगर : जामखेड तालुक्यातील आरणगाव ते हाळगाव रत्यावरील फक्राबाद परिसरात अवैध वाळू वाहतूक (Illegal Sand Transport) करणाऱ्यांवर स्थानिक गुन्हे शाखेच्या (Local Crime Branch) पथकाने छापा टाकून ५ लाख १० हजारांचा मुद्देमाल हस्तगत केला आहे. याबाबत एक जण ताब्यात घेतला असून जामखेड पोलीस ठाण्यात (Jamkhed Police Station) गुन्हा दाखल करण्यात आला आहे.
नक्की वाचा : वन विभागातील क्षेत्रीय अधिकाऱ्यांना देणार शस्र हाताळण्याचे प्रशिक्षण: सोमनाथ घार्गे
पाच लाख १० हजारांचा मुद्देमाल हस्तगत
रवींद्र बाबासाहेब उबाळे (वय -२६, रा. चौंडी, ता. जामखेड जि. अहिल्यानगर), असे गुन्हा दाखल झालेल्या संशयित आरोपीचे नाव आहे. त्याच्याकडून १० हजार रुपये किमतीची एक ब्रास वाळू, ५ लाख रुपये किमतीची ट्रॅक्टर, ट्रॉली असा एकूण पाच लाख १० हजार रुपये किमतीचा मुद्देमाल हस्तगत करण्यात आला आहे. याबाबत पोलीस अंमलदार शामसुंदर अंकुश जाधव यांच्या फिर्यादीवरून जामखेड पोलीस ठाण्यात गुन्हा दाखल करण्यात आला आहे.
अवश्य वाचा : जातीने केला प्रेमाचा अंत! प्रेयसीनं प्रियकराच्या मृतदेहासोबत केलं लग्न,नेमकं काय घडलं ?
यांच्या पथकाने केली कारवाई (Illegal Sand Transport)
स्थानिक गुन्हे शाखेचे पोलीस निरीक्षक किरणकुमार कबाडी यांना मिळालेल्या माहितीनुसार जामखेड तालुक्यातील फक्राबाद परिसरात अवैध वाळू वाहतूक होत असलयाची खात्रीशीर माहिती मिळाली. त्यानुसार पथकाने सापळा रचून आरोपीला मुद्देमालासह ताब्यात घेतले. ही कारवाई स्थानिक गुन्हे शाखेचे पोलीस उपनिरीक्षक समीर अभंग, पोलीस अंमलदार ह्रदय घोडके, लक्ष्मण खोकले, शामसुंदर जाधव, भिमराज खर्से, भाऊसाहेब काळे यांच्या पथकाने केली.
