Illegal Sand Transport : नगर : कोपरगाव तालुक्यातील लौकी परिसरात अवैध वाळू वाहतूक (Illegal Sand Transport) करणाऱ्या विरोधात स्थानिक गुन्हे शाखेच्या (Local Crime Branch) पथकाने कारवाई करत ४ लाख ५ हजारांचा मुद्देमाल हस्तगत केला आहे. याबाबत दोन जणांविरोधात कोपरगाव पोलीस ठाण्यात (Kopargaon Police Station) गुन्हा दाखल करण्यात आला आहे.
अवश्य वाचा: दहा दिवसांत बिबट्याचा बंदोबस्त करा, अन्यथा ‘पारनेर बंद’
अवैध वाळू वाहतूक होत असल्याची खात्रीशीर माहिती
रमेश जगन्नाथ मोरे (वय-४२, रा. पढेगाव ता. कोपरगांव जि. अहिल्यानगर) असे ताब्यात घेतलेल्या संशयित आरोपीचे नाव आहे. स्थानिक गुन्हे शाखेचे पोलीस निरीक्षक किरणकुमार कबाडी यांना मिळालेल्या माहितीनुसार पुणतांबा चौफुला ते वैजापूर रस्त्यावर अवैध वाळू वाहतूक होत असल्याची खात्रीशीर माहिती मिळाली. त्यानुसार पथकाने सापळा रचून आरोपीस ताब्यात घेतले. त्याच्याकडून ट्रँक्टर व ट्रॉली असा एकूण ४ लाख ५ हजारांचा मुद्देमाल हस्तगत करण्यात आला आहे.
नक्की वाचा : महायुती म्हणून महापालिका लढवण्याचा प्रयत्न : पालकमंत्री राधाकृष्ण विखे पाटील
यांच्या पथकाने केली कारवाई (Illegal Sand Transport)
ही कारवाई स्थानिक गुन्हे शाखेचे पोलीस अंमलदार राहुल द्वारके, भिमराज खर्से, राहुल डोके, प्रमोद जाधव, सतीश भवर, सुनील मालणकर, चालक महादेव भांड यांच्या पथकाने केली.
