Journalists Day : कर्जत : पत्रकार (Journalists) समाजाचा आरसा असून त्यांच्या निर्भीड, निःपक्षपाती लेखणीमुळे अन्यायाला वाचा फुटते. सर्वसामान्य नागरिक आणि वंचितांना न्याय मिळतो. यासह चुकीच्या गोष्टीना पायबंद घालण्याची भूमिका पत्रकार कायम निभावत असतात, असे प्रतिपादन सर्व सामाजिक संघटनेचे प्रमुख मार्गदर्शक सेवानिवृत्त वनाधिकारी अनिल तोरडमल यांनी केले. पत्रकार दिन (Journalists Day) आयोजित सन्मानप्रसंगी ते बोलत होते. यासह कर्जत शहर आणि तालुक्यात विविध ठिकाणी पत्रकार दिन साजरा करण्यात आला. यावेळी सर्वानी पत्रकार बांधवांना शुभेच्छा देत सन्मान करण्यात आला. यावेळी सर्व पत्रकारांनी दर्पणकार बाळशास्त्री जांभेकर (Balshastri Jambhekar) यांच्या प्रतिमेचे पूजन केले.
नक्की वाचा : भारतात आढळला एचएमपीव्ही व्हायरसचा पहिला रुग्ण
पत्रकारांना शुभेच्छा देत केला सन्मान
यावेळी कर्जत शहर आणि तालुक्यातील शासकीय विभाग, विविध सामाजिक संघटना, शैक्षणिक संस्था, वित्तीय संस्था यासह राजकीय पक्षांनी शहर आणि तालुक्यातील पत्रकारांना शुभेच्छा देत सन्मान केला. यावेळी बोलताना कर्जतचे नूतन पोलीस निरीक्षक दौलतराव जाधव म्हणाले, पत्रकार कायम आपल्या लेखणीने सभोवताली घडणाऱ्या गोष्टीचे निरीक्षण, अवलोकन तसेच सामाजिक दायित्व म्हणून प्रश्न सोडविण्यास प्रशासनास सहकार्य करतात. त्यांच्या लेखणीने प्रशासनास कायम दक्ष राखण्यास मदत मिळते. पत्रकार दिन सन्मान करण्याचे भाग्य लाभले याचे आपणांस देखील समाधान आहे.
अवश्य वाचा : संतोष देशमुख हत्या प्रकरणी तिन्ही आरोपींना १४ दिवसांची सीआयडी कोठडी
प्राचार्य डॉ. संजय नगरकर म्हणाले की, (Journalists Day)
दादा पाटील महाविद्यालयाचे प्राचार्य डॉ. संजय नगरकर म्हणाले की, पत्रकार हा कायम समाजाच्या प्रती सतर्क राहत दिशाहीन झालेल्या व्यक्तीस दिशा देण्याचे काम निस्वार्थ भावनेने करतात. त्यांनी लिहलेली प्रत्येक बातमी समाजासह प्रशासनास, व्यक्तीस आणि सर्वसामान्य नागरिकांना लढा देण्याचे बळ निर्माण करते. त्यांच्या कार्याचा आणि निरपक्ष पत्रकारितेचे कौतुक करणे प्रत्येकाची जबाबदारी बनते.
कृषी उत्पन्न बाजार समिती, मेट्रो मल्टिस्टेट, संत नागेबाबा पतसंस्था, समशेर कंप्युटर्स, सर्व सामाजिक संघटना, पै. प्रवीणदादा घुले मित्रमंडळ, राष्ट्रवादी शरद पवार गट, दादा पाटील महाविद्यालय आणि कर्जत पोलीस विभागाच्यावतीने सर्व शहरातील पत्रकारांचा सन्मान करण्यात आला. यावेळी कर्जत तालुका पत्रकार संघाचे अध्यक्ष निलेश दिवटे, उपाध्यक्ष दिलीप अनारसे, सचिव मोतीराम शिंदे, खजिनदार मुन्ना पठाण यांच्यासह जिल्हा प्रतिनिधी गणेश जेवरे, ज्येष्ठ पत्रकार सुभाष माळवे, मच्छिंद्र अनारसे, डॉ. अफरोजखान पठाण, ऋषी पवार आदी उपस्थित होते.