Leopard : राहुरी : राहुरी फॅक्टरी येथील विवेकानंद नर्सिंग होमच्या पाठीमागील पाण्याच्या टाकीत आढळून आलेल्या बिबट्याला (Leopard) पकडण्यासाठी वनविभागाने (Forest Department) तब्बल दोन तास रेस्क्यू ऑपरेशन (Rescue Operation) करून जेरबंद केले. रेसक्यू मोहीम बघण्यासाठी मोठी गर्दी झाली होती. 

नक्की वाचा : आग लागल्याच्या भीतीने प्रवाशांच्या ट्रेनमधून उड्या; समोरून येणाऱ्या ट्रेनने धडक दिल्याने ११ जणांचा मृत्यू

नागरिकांना अनेक वेळा बिबट्याचे दर्शन

राहुरी फॅक्टरी येथील सूर्यानगर, इंजीनियरिंग कॉलेज, गीते वस्ती व तनपुरे कारखाना परिसरात नेहमीच या बिबट्याचा वावर बघावयास मिळत होता. या बिबट्याने येथील अनेक शेळ्या, कोंबड्या फस्त केल्या होत्या व त्याचबरोबर येथील नागरिकांना देखील अनेक वेळा बिबट्याने दर्शन दिले होते. आज (ता.२३) दुपारी येथील इंजीनियरिंग कॉलेज परिसरातील पाण्याच्या टाकीत बिबट्या पडलेला दिसताच स्थानिक नागरिकांनी वनविभागास कळविले. त्यानंतर वनविभागाची रेस्क्यू टीम तसेच देवळाली प्रवरा नगरपालिकेच्या अग्निशामक टीमला पाचरण केले. बिबट्या हा दोन पाण्याच्या टाकींना जोडणाऱ्या पाईपमध्ये अडकला असता वन विभागाने  रेस्क्यू ऑपरेशन करत बोगद्याच्या ठिकाणी पिंजरा लावला. त्यानंतर टीमच्या दोन तासांच्या अथक प्रयत्नानंतर अखेर बिबट्या पिंजऱ्यात जेरबंद झाला.

अवश्य वाचा : …’त्या’ वक्तव्यानंतर राधाकृष्ण विखे पाटील यांनी दिले स्पष्टीकरण

बिबट्या पाहण्यासाठी नागरीकांची मोठी गर्दी (Leopard)

यावेळी वनपरिक्षेत्र अधिकारी युवराज पाचारणे मार्गदर्शनाखाली गणेश मिसाळ, राजू रायकर,  गिरी, शेंडगे, ताराचंद गायकवाड, कृष्णा पोपळघट, तसेच वनविभाग  रेन स्टॉप विभाग, देवळाली प्रवरा नगरपालिका मुख्याधिकारी विकास नवाळे यांच्यासह  भारत साळुंके व कर्मचारी तसेच देवळाली प्रवरा नगरपालिकेचे माजी नगराध्यक्ष सत्यजित कदम यांनी अथक परिश्रम घेतले. यावेळी ऋषभ लोढा, सचिन सरोदे, मंगेश ढुस, बाळासाहेब पडागळे, निखिल गोपाळे, दत्तात्रय साळुंके, विलास पवळ, आशु सांगळे आदिंसह नागरीक उपस्थित होते. पकडलेल्या बिबट्या पाहण्यासाठी नागरीकांनी मोठी गर्दी केली होती.