नगर : राज्यातील नगरपरिषद (Nagarparishad) आणि नगरपंचायतीच्या (Nagarpanchayat) निवडणुकीच्या मतदानासाठी निवडणूक आयोगाची तयारी अंतिम टप्प्यात पोहोचली आहे. निवडणुकीची रणधुमाळी सुरू असताना निवडणूक आयोगाने एक मोठा निर्णय (Big decision of the Election Commission) घेतलाय. आयोगाने प्रचाराचा वेळ वाढवला. (Campaign time extended) मात्र ऐनवेळी हा निर्णय का घेण्यात आलाय हे जाणून घेऊ.
सध्या निवडणुकीच्या प्रचारात सगळ्या राजकीय पक्षांचे नेते व्यस्त आहेत. त्यातच ऐनवेळी राज्य निवडणूक आयोगाने प्रचाराच्या वेळेत बदल केलाय. या बदलामुळे उमेदवारांना मात्र मोठा फायदा होणार आहे. कारण आता उमेदवारांना १ डिसेंबरला रात्री १० वाजेपर्यंत प्रचार करता येणार आहे. याआधी नगरपालिका आणि नगरपंचायतींच्या निवडणुकीसाठी ३० नोव्हेंबरला ५ वाजेपर्यंत प्रचार करण्याची वेळ देण्यात आली होती. परंतु आता त्यात वाढ करण्यात आलीय.
नक्की वाचा: एआयने बनवलेले व्हिडिओ नेमके कसे ओळखायचे? जाणून घ्या…
२ डिसेंबरला होणार मतदान (Local Body Election)
नगरपरिषदा आणि नगरपंचायतीच्या सार्वत्रिक निवडणुकांसाठी २ डिसेंबर २०२५ रोजी मतदान होणार आहे. त्यासाठीच्या जाहीर प्रचाराची मुदत ‘महाराष्ट्र नगरपरिषद, नगरपंचायत आणि औद्योगिक नगरी अधिनियम १९६५ ’ मधील तरतुदीनुसार १ डिसेंबर २०२५ रोजी रात्री १० पर्यंत असेल, अशी माहिती निवडणूक आयोगाचे अधिकारी जगदीश मोरे यांनी दिलीय. राज्यातील स्थानिक स्वराज्य संस्थांच्या निवडणुका या कायद्यांमधील तरतुदींनुसार घेतल्या जातात.
अवश्य वाचा: मोठी बातमी! शेतकऱ्यांच्या कर्ज वसुलीला एक वर्ष स्थगिती
वेळ का वाढवण्यात आली? (Local Body Election)
यापूर्वी नगरपरिषद किंवा नागरपंचातीच्या निवडणुकांचा प्रचार हा मतदानाच्या किमान २ दिवस अगोदर बंद केला जात असे. मात्र यावेळी निवडणूक आयोगाने उमेदवारांना मोठी संधी दिलीय,असच म्हणता येईल. आता हि प्रचाराची मर्यादा का वाढवण्यात आली ? तर यामागे कारण असं आहे की, नगरपालिका निवडणुकीतील अपक्ष उमेदवारांना २६ नोव्हेंबरला चिन्हाचे वाटप करण्यात आले. त्यामुळे या उमेदवारांना प्रचारासाठी खूप कमी म्हणजे फक्त चार दिवसांचा वेळ मिळणार होता. मात्र आता निवडणूक आयोगाने प्रचाराला वेळ वाढवून दिल्याने अपक्ष आणि स्थानिक पक्षांच्या उमेदवारांना मोठा फायदा होणार आहे.
