Mahadev Shivankar Passes Away: राज्याच्या राजकीय वर्तुळातून एक दुःखद बातमी समोर आली आहे. माजी वित्तमंत्री महादेवराव शिवनकर (Mahadevrao Shivankar) यांचे वृद्धापकाळाने निधन ( Passes Away) झाले आहे. जलसंपदा मंत्री आणि वित्तमंत्री म्हणून त्यांनी मनोहर जोशी (Manohar Joshi) मुख्यमंत्री असताना कारभार सांभाळला आहे. जनसंघापासून ते भाजपचे ज्येष्ठ नेते असा त्यांचा राजकीय प्रवास राहिला आहे. त्यांच्या निधनाच्या घटनेने कुटुंबियांसह राजकीय वर्तुळात शोककळा पसरली आहे.
नक्की वाचा: संभाजी महाराज सासऱ्यांकडून मारले गेले;बच्चू कडूंचे वादग्रस्त विधान
महादेवराव शिवनकर यांचा राजकीय प्रवास (Mahadev Shivankar Passes Away)
महाराष्ट्राचे माजी वित्तमंत्री माजी खासदार आणि भाजपचे ज्येष्ठ नेते महादेवराव शिवणकर यांचे आज (ता. २०) सकाळी ८ वाजता वृद्धापकाळाने निधन झाले. महादेवराव शिवनकर हे आमगाव विधानसभेचे ५ वेळा आमदार आणि चिमूर लोकसभेचे खासदार म्हणून त्यांनी कार्यकाळ सांभाळला आहे. यासह त्यांनी मुख्यमंत्री मनोहर जोशी यांच्या सरकारमध्ये सिंचन मंत्री म्हणून देखील काम पाहिले आहे. संघाच्या स्वयंसेवकापासून ते मंत्री असा त्यांचा राजकीय प्रवास राहिला आहे.
अवश्य वाचा: शनिवारवाड्यात सामूहिक नमाज पठाण;गुन्हा दाखल
विशेष म्हणजे राष्ट्रसंत तुकडोजी महाराज यांना भारतरत्न देण्याची मागणी संसदेत पहिल्यांदा माजी शिवणकर यांनी केली होती. त्यांनी गोंदिया जिल्ह्यात पाटबंधारे मंत्री असताना सिंचनाच्या सुविधा उपलब्ध करुन देण्यात मोलाचे योगदान दिले. त्यांच्यामुळे कलपाथरी, बेवारटोला, ओवारा, पुजारीटोला, कालीसरार सारखे सिंचनाचे प्रकल्प जिल्ह्यात आज तयार होऊन शेतकरी विकासात हात लावलेला आहे.
गोंदिया जिल्ह्याचे खरे शिल्पकार (Mahadev Shivankar Passes Away)
२६ जानेवारी १९९९ रोजी भंडारा जिल्ह्याचे पालकमंत्री असताना शिवणकर यांनी गोंदिया जिल्ह्याची घोषणा केली. १ मे १९९९ रोजी गोंदिया जिल्हा अस्तित्वात आणून त्यांनी कार्यभार सुरू केला. गोंदिया जिल्हा निर्मितीचे ते खरे शिल्पकार ठरले. मात्र, त्यांनी गोंदिया जिल्हा निर्मितीचे श्रेय सर्वांना दिले.
