नगर: दिवसेंदिवस वाढत चाललेली लोकसंख्या आणि शहरांचा होत असलेला भौगोलिक विस्तारामुळे महसूल विभागाच्या कामकाजाचा व्याप वाढत चालला आहे. हे लक्षात घेऊन राज्यातील सहा महसूल विभागात ११ अतिरिक्त जिल्हाधिकारी (11 Additional District Collectors) तर ६९ अतिरिक्त तहसीलदार (69 Additional Tehsildars) कार्यालयांची नव्याने निर्मिती करण्याचा निर्णय राज्य मंत्रिमंडळाने (Maharashtra Cabinet Dicision) घेतला आहे. यात पुणे विभागात तीन, तर अन्य सर्व विभागांत प्रत्येकी एक अतिरिक्त जिल्हाधिकारी नेमण्यात येणार आहेत. तर अहिल्यानगर जिल्ह्यातील (Ahilyanagar News)अकोले आणि नेवासा तालुक्यात अतिरिक्त तहसील कार्यालये स्थापन करण्यात येतील.
नक्की वाचा: १० महिन्यांची चिमुकली ५ जणांना जीवनदान देऊन गेली!
जिल्हा प्रशासनातील कामकाजाचा वाढता व्याप, सामान्य नागरिकांना होणारा त्रास, जिल्ह्यांचा व तालुक्यांचा भौगोलिक व्याप, वाढती लोकसंख्या आणि त्यानुसार अतिरिक्त जिल्हाधिकारी व अतिरिक्त तहसीलदार कार्यालय निर्मितीची गरज होती. नव्याने अतिरिक्त जिल्हाधिकारी कार्यालयांची निर्मितीसाठी त्यात येणारी तालुक्यांची संख्या, या कार्यालय निर्मितीच्या अनुषंगाने असणारी लोकसंख्या, भौगोलिक क्षेत्रफळ, आदिवासी, तसेच दुर्गम क्षेत्र लोकसंख्या असलेल्या तालुक्यांची संख्या, जिल्हा मुख्यालयापासून प्रस्तावित कार्यालयाचे अंतर, तालुक्यातील सर्वात दूरच्या गावांचे सध्याच्या मुख्यालयापासूनचे अंतर, प्रस्तावित कार्यालय स्थापन झाल्यास येणारे अंतर, जिल्ह्याची लोकसंख्या, क्षेत्रफळ विचारात घेण्यात आले आहे.
अवश्य वाचा: अजित पवारांच्या निधनानंतर ‘त्या’७५ शाळांना अल्पसंख्याक दर्जा कुणी दिला?
नव्या अतिरिक्त तहसील कार्यालयांसाठी महसूल मंडळांची महसुली गावांच्या नावासहित संख्या, कार्यालय निर्मितीच्या अनुषंगाने लोकसंख्या, भौगोलिक क्षेत्र, आदिवासी व दुर्गम क्षेत्र लोकसंख्या असलेल्या महसूल मंडळांची संख्या, महसुली गावांची संख्या, प्रस्तावित तालुका मुख्यालयापासून तालुक्यांतील सर्वांत दूरच्या गावांचे अंतर तसेच प्रस्तावित अतिरिक्त तहसील कार्यालय स्थापन झाल्यास येणारे अंतर यांचा विचार करण्यात आला आहे.
प्रस्तावित अपर जिल्हाधिकारी कार्यालये (Maharashtra Cabinet Dicision)
पुणे जिल्ह्यात बारामती, सातारा जिल्ह्यात फलटण, सोलापूर जिल्ह्यात पंढरपूर, कोकण विभागातील ठाणे जिल्ह्यात कल्याण, तर रत्नागिरी जिल्ह्यात दापोली, नाशिक विभागात जळगाव जिल्ह्यात चाळीसगाव, छत्रपती संभाजीनगर विभागात नांदेड जिल्ह्यात किनवट, अमरावती जिल्ह्यातील अचलपूर, यवतमाळ जिल्ह्यात पुसद, बुलडाणा जिल्ह्यात खामगाव, नागपूर विभागात नागपूर जिल्ह्यातील कळमेश्वर, अशी प्रस्तावित कार्यालये आहेत.
प्रस्तावित अतिरिक्त तहसील कार्यालये (Maharashtra Cabinet Dicision)
तालुका- गावाचे नाव
अकोले- राजूर
नेवासा- घोडेगाव
कुर्ला- चेंबूर
बोरिवली- मालाड
अंधेरी- वांद्रे
ठाणे- नवीन मुंबई
कल्याण – डोंबिवली
भिवंडी- भिवंडी (ग्रामीण)
डहाणू- कासा
वसई- विरार
पालघर- बोईसर
राजापूर- रायपाटण
खेड- चाकण
फलटण- साखरवाडी
कराड- उंब्रज
उत्तर सोलापूर- वडाळा
चंदगड- नजरे कार्वे
निफाड- लासलगाव
सिन्नर- सिन्नर
बागलाण- नामपूर
जळगाव- जळगाव
जामनेर- शेंदुर्णी
चाळीसगाव- चाळीसगाव
नंदूरबार- नंदूरबार
शहादा- शहादा
अक्कलकुवा- मोलगी
शिरपूर- शिरपूर शहर
सिल्लोड- अजिंठा
बीड- नेकनूर
आष्टी- कडा
जालना- जालना शहर आणि राजूर
परभणी- परभणी
जिंतूर- बोरी
लातूर- लातूर
नांदेड- नांदेड
हदगाव- तामसा
मुखेड- मुक्रमाबाद
किनवट- इस्लापूर
अमरावती- अमरावती (ग्रामीण)
अकोला- अकोला (शहर)
पुसद- शेंबाळ पिंपरी
उमरखेड- ढाणकी
सिंदखेड राजा- साखरखेडा
मेहकर- डोणगाव
खामगाव- लाखनवाडा
वाशीम- अनसिंग
रिसोड- केनवड
कारंजा- कामरगाव
नागपूर (ग्रामीण)- बुटीबोरी आणि हुडकेश्वर
हिंगणा- वानाडोंगरी
नागपूर- नागपूर (शहर)
कामाठी- वडोदा
सावनेर- खापरखेडा
काटोला- कोंढाळी
नरखेड- जलालखेडा
मौदा- कोदांमेढी
कुही- वेलतूर
हिंगणघाट- अल्लीपूर
सेलू- सिंदी
पवनी- अड्याळ
चार्मेाशी- आष्टी
कुरखेडा- मालेवाडा
आरमोरी- वैरागड
धानोरा- पेंढारी
सिंरोचा- आसरअल्ली
एटापल्ली- कसनसूर
अहेरी- जिमलगट्टा
