Maharashtra Football Team : नगर : अहिल्यानगर जिल्हा फुटबॉल असोसिएशनच्या (Ahilyanagar District Football Association) खेळाडू राणी कदम व सुमैया शेख यांची वरिष्ठ महिला महाराष्ट्र फुटबॉल संघात (Maharashtra Football Team) निवड झाली आहे. कदम हिच्याकडे महाराष्ट्र संघाचे कर्णधारपद (Captaincy) सोपविण्यात आले आहे. दोन महिला फुटबॉलपटूंची राज्यात झालेली निवड ही जिल्ह्याच्या दृष्टीने अभिमानास्पद व फुटबॉल खेळाला चालणा देणारी ठरली आहे.
नक्की वाचा: मुख्यमंत्री समृद्ध पंचायतराज अभियान जिल्ह्यातील प्रत्येक गावात यशस्वीपणे राबवा
राणी कदम व सुमैया शेख संघात स्थान मिळवण्यात यशस्वी
राष्ट्रीय फुटबॉल अजिंक्यपद स्पर्धा राजमाता जिजाबाई ट्रॉफी गुजरात येथे होणार असून, कदम व शेख या स्पर्धेत महाराष्ट्राचे प्रतिनिधित्व करणार आहेत. महाराष्ट्र संघासाठी आयोजित निवड शिबिरात अहिल्यानगर जिल्ह्यातून राणी कदम, सुमैया शेख व तनिषा शिरसूल या खेळाडूंना संधी मिळाली होती. त्यापैकी राणी कदम व सुमैया शेख अंतिम संघात स्थान मिळवण्यात यशस्वी झाल्या.
अवश्य वाचा : रविशंकर विद्यालयाने पारंपरिक पद्धतीने दिला गणरायाला निरोप
सर्वांनी पुढील स्पर्धांसाठी दिल्या शुभेच्छा (Maharashtra Football Team)
या यशाबद्दल अहमदनगर जिल्हा फुटबॉल असोसिएशनचे अध्यक्ष नरेंद्र फिरोदिया, वरिष्ठ उपाध्यक्ष मनोज वाळवेकर, उपाध्यक्ष खालिद सय्यद, अमरजीतसिंग शाही, जोगासिंग मिन्हास, सचिव रोनप फर्नांडिस, सहसचिव व्हिक्टर जोसेफ, प्रदीप जाधव, खजिनदार रिशपालसिंग परमार, सहखजिनदार रणबीरसिंग परमार, सदस्य राजू पाटोळे, जोएब खान, महिला संघाचे प्रशिक्षक शशांक वाल्मिकी, व्यवस्थापक काजल वाल्मिकी तसेच सर्व पदाधिकारी, सदस्य, पालक, शाळा आणि क्रीडा संस्थांनी त्यांचे अभिनंदन करुन त्यांना स्पर्धेसाठी शुभेच्छा दिल्या.
