Maharashtra Kesari Wrestling Tournament : नगर : महाराष्ट्र राज्य (Maharashtra State) कुस्तीगीर संघाच्या मान्यतेने व अहमदनगर (अहिल्यानगर) जिल्हा कुस्तीगीर संघाच्या सहकार्याने ६७ व्या वरिष्ठ माती व गादी राज्य अजिंक्यपद कुस्ती स्पर्धा व महाराष्ट्र केसरी किताब (Maharashtra Kesari Wrestling Tournament) लढत २०२४-२५ लढत २९ जानेवारी ते २ फेब्रुवारी या कालावधीत अहिल्यानगर (Ahilyanagar) शहरातील वाडियापार्क मैदानात होत आहेत, अशी माहिती जिल्हा कुस्तीगीर संघाचे अध्यक्ष आमदार संग्राम जगताप यांनी दिली.

नक्की वाचा : एचएमपीव्ही व्हायरसपासून वाचण्यासाठी काय करावं आणि काय करू नये ?

या स्पर्धे दरम्यान ८५० ते ९०० कुस्त्या होतील

या कुस्ती स्पर्धेत महाराष्ट्र राज्य कुस्तीगीर संघास संलग्न असलेल्या ३६ जिल्हे, ६ महापालिका असे एकुण ४२ संघ सहभागी होत आहेत, या स्पर्धेत एकूण ८४० कुस्तीगीर सहभागी होत आहेत. या स्पर्धे दरम्यान ८५० ते ९०० कुस्त्या होतील. ह्या स्पर्धेत १०० पंच व ८० पदाधिकारी यांच्या सहकार्याने स्पर्धा पार पाडल्या जातील. या स्पर्धेत महाराष्ट्र केसरी शिवराज राक्षे, सिकंदर शेख, हर्षवर्धन सदगीर, बाला रफीक शेख, महेंद्र गायकवाड, पृथ्वीराज मोहोळ, वेताळ शेळके, माऊली कोकाटे, शुभम शिंदनाळ, सुदर्शन कोतकर, माऊली जमदाडे हे प्रमुख आकर्षण असणार आहे. स्पर्धेतील विजेत्याला चारचाकी वाहन भेट देणार असल्याची घोषणा आमदार संग्राम जगताप यांनी यावेळी केली.

अवश्य वाचा : कुकडी-घोड प्रकल्पातून चार आवर्तन सोडण्याचा निर्णय : मंत्री विखे

बक्षीस वितरणासाठी मुख्यमंत्री व इतर मंत्र्यांची उपस्थिती (Maharashtra Kesari Wrestling Tournament)

स्पर्धेच्या उद्घाटन व बक्षीस वितरण समारंभासाठी राज्याचे मुख्यमंत्री देवेंद्र फडणवीस, उपमुख्यमंत्री एकनाथ शिंदे, अजित पवार, केंद्रीय राज्यमंत्री मुरलीधर मोहोळ, क्रीडा मंत्री दत्तात्रेय भरणे, भारतीय कुस्ती महासंघाचे अध्यक्ष संजय सिंग व महाराष्ट्र राज्य कुस्तीगीर संघाचे अध्यक्ष माजी खासदार रामदास तडस उपस्थित राहणार आहेत.

या प्रसंगी महाराष्ट्र राज्य कुस्तीगीर संघाचे कार्याध्यक्ष संदीप भोंडवे, सरचिटणीस हिंद केसरी योगेश दोडके, जिल्हा कुस्तीगीर संघाचे अध्यक्ष आमदार संग्राम जगताप, उपाध्यक्ष अर्जुन शेळके, महाराष्ट्र केसरी अशोक शिर्के, महाराष्ट्र केसरी गुलाब बर्डे, सचिव प्रा. डॉ. संतोष भुजबळ, सहसचिव प्रवीण घुले आदी उपस्थित होते.