Mukundkaka Jatdevlekar : नगर : विद्यादानाचा यशस्वी सुवर्ण महोत्सव साजरा करणाऱ्या श्री समर्थ विद्या प्रसारक मंडळाच्या (Shri Samarth Vidya Prasarak Mandal) वतीने दास नवमी, रथसप्तमी व जागतिक सूर्यनमस्कार दिनानिमित्त आरोग्यदृष्ट्या संपन्न व समृद्ध विद्यार्थी घडविण्यासाठी सावेडीतील नवीन समर्थ प्रशालेच्या प्रांगणावर हजारो विद्यार्थी श्री समर्थ रामदास (Shri Samarth Ramdas) स्वामीकृत ११ मनाचे श्लोक म्हणत ११ सूर्यनमस्कार घालण्यात येणार आहेत तसेच दासनवमीनिमित्त मंडळाचे आधारस्तंभ स्व.दत्तात्रेय रामचंद्र कुलकर्णी यांच्या स्मरणार्थ समर्थ विचारांच्या प्रचार व प्रसारार्थ देण्यात येणारा मानाचा समर्थ पुरस्कार धर्मशास्त्र अभ्यासक मुकुंदकाका जाटदेवळेकर (Mukundkaka Jatdevlekar) यांना जाहीर झाला आहे, अशी माहिती दासनवमी उत्सव समिती प्रमुख व मंडळाचे उपाध्यक्ष श्रीपाद कुलकर्णी यांनी दिली.
अवश्य वाचा : ‘धनंजय मुंडे गुन्हेगार नाही,मी त्यांच्या पाठीशी’-नामदेव शास्त्री
१ हजार विद्यार्थी सूर्यनमस्कारांची पर्वणी साधणार
“बनवू समर्थ अन निरामय आयुष्य व आरोग्य हाच खरा महामंत्र” असे उपक्रमाचे घोषवाक्य असून मंगळवारी (ता. ४) सकाळी ८ वाजता सहकारनगर येथील नवीन प्रशालेच्या प्रांगणावर मंडळाच्या शाळांमधील १ हजार विद्यार्थी योगविद्याधामच्या माध्यमातून सूर्यनमस्कारांची पर्वणी साधणार आहेत. कार्यक्रमासाठी आमदार संग्राम जगताप तसेच श्री समर्थ विद्या प्रसारक मंडळाचे पदाधिकारी प्रमुख अतिथी म्हणून उपस्थित राहणार आहेत.
नक्की वाचा : मंत्र्यांना व त्यांच्या पोरांना धरायचं आणि हाणायचं; मनोज जरांगे पाटील यांचा इशारा
जाटदेवळेकर महाराज यांचे प्रवचन होणार (Mukundkaka Jatdevlekar)
सुमारे ५६ वर्षांपासून मंडळाच्या वतीने दासनवमीनिमित्त श्री रामदास स्वामी यांच्या विचाराचे प्रचार-प्रसाराचे काम अविरत चालू आहे. त्याचबरोबर शालेय स्तरावर पाठांतर, हस्ताक्षर, वक्तृत्व, निबंध, चित्रकला आदी विविध स्पर्धांमध्ये शहरातील हजारो विद्यार्थी व अनेक शाळा यात सहभागी होत असतात तसेच खुल्या गटात वक्तृत्व व निबंध स्पर्धा ह्या समर्थ अभ्यासकांना समर्थ विचार प्रकट करण्यासाठी संस्था एक व्यासपीठ उपलब्ध करून देत आहे. श्री समर्थांच्या साहित्यावर आधारित समर्थ विचार अभ्यासकांची दर्जेदार व्याख्याने देखील दासनवमीच्या निमित्ताने प्रतिवर्षी आयोजित केली जातात. २२ फेब्रुवारी रोजी दासनवमी उत्सवात जाटदेवळेकर महाराज यांचे सुश्राव्य प्रवचन होणार असून या सोहळ्यात त्यांना समर्थ पुरस्कार प्रदान केला जाणार आहे.
कार्यक्रमाच्या यशस्वीतेसाठी मंडळाचे अध्यक्ष भा.ल.जोशी, उपाध्यक्ष दीपक ओहोळ,सचिव सुरेश क्षीरसागर,सचिव प्रभाकर ओहोळ, खजिनदार संजय कुलकर्णी, कार्यकारिणी सदस्य ॲड किशोर देशपांडे, विकास सोनटक्के, ॲड. वेद देशपांडे ,सचिन शिरसागर,संध्या कुलकर्णी,निमंत्रित सदस्य स्वप्निल सोनटक्के आदींचे मार्गदर्शन व सहकार्य लाभत आहे. मुख्याध्यापिका वसुधा जोशी, प्राचार्य संगीता जोशी, मुख्याध्यापिका धनश्री गुंफेकर व मुख्याध्यापक अजय महाजन तसेच सर्व शिक्षक तथा शिक्षकेतर कर्मचारी वर्ग उपक्रमासाठी परिश्रम घेत आहेत. तरी या सोहळ्यासाठी जास्तीत जास्त सूर्यनमस्कार साधक यांनी उपस्थित रहावे, असे आवाहन मंडळाच्या वतीने करण्यात येत आहे.