Murder : कर्जत : कोतवाली पोलीस ठाण्याच्या हद्दीत अनैतिक संबंधातून खून (Murder) झाला होता. या खून प्रकरणातील पसार आरोपीला कर्जत पोलिसांनी (Murder) आज (ता. २६) अटक केली. सारस दत्तू सुरवसे (वय २९, रा. माळीगल्ली, ता. कर्जत) असे जेरबंद आरोपीचे (Accused) नाव आहे.

नक्की वाचा : पुणे हादरलं!स्वारगेट बस डेपोत २६ वर्षीय तरुणीवर अत्याचार

प्रेयसीचा साडीने गळा आवळून खून

केडगाव येथे प्रेयसीचा साडीने गळा आवळून खून करून पसार झालेल्या राजूला पोलिसांनी ताब्यात घेतले. सोमवारी (ता.२४) रात्री १०:३० च्या सुमारास मोहिनीनगर केडगाव देवी मंदिरामागे केडगाव येथे राजूने त्याची प्रेयसी संगीता नितीन जाधव (वय ३५, मूळ रा. पारगाव खंडाळा, जि. सातारा, हल्ली रा. मोहिनीनगर, केडगाव) हिच्या चारित्र्यावर संशय घेत तिचा साडीने गळा आवळून खून केला होता. खुनानंतर तो लगेच पसार झाला होता.

अवश्य वाचा : राजकारण हे नेहमी समाजाच्या हिताचे असावे : बाळासाहेब थोरात

कर्जत गुन्हे प्रकटीकरण विभागाची कारवाई (Murder)

याबाबत कोतवाली पोलीस ठाण्यात खुनाचा गुन्हा दाखल करण्यात आला होता. बुधवारी (ता.२६) दुपारी ३.३० च्या सुमारास कर्जतचे पोलीस निरीक्षक दौलतराव जाधव यांना बातमीदारामार्फत केडगाव खून प्रकरणातील पसार आरोपी सारस (राजू) सुरवसे हा कर्जत शहरात येणार असल्याची माहिती मिळाली. दौलतराव जाधव यांनी कर्जत गुन्हे प्रकटीकरण विभागाचे सहायक पोलीस निरीक्षक रमीझ मुलाणी, पोलीस कर्मचारी प्रकाश दंदाडे, प्रताप देवकाते, किरण बोराडे यांना माहिती देत तत्काळ रवाना केले. 

कर्जत शहरात आरोपी सुरवसे यास सापळा रचत मोठ्या शिताफिने ताब्यात घेतले. त्याला तत्काळ कोतवाली पोलीस ठाण्याच्या महिला सहायक पोलीस निरीक्षक योगिता कोकाटे आणि कोतवाली पोलीस ठाण्याचे अंमलदारांच्या स्वाधीन करण्यात आले. ही कारवाई पोलीस अधिक्षक राकेश ओला, अप्पर पोलीस अधिक्षक प्रशांत खैरे, पोलीस उपअधीक्षक विवेकानंद वाखारे यांच्या मार्गदर्शनाखाली पोलीस निरीक्षक दौलतराव जाधव, गुन्हे शोध पथकाचे अधिकारी सहायक पोलीस निरीक्षक रमीझ मुलाणी, पोलीस कर्मचारी किरण बोराडे, प्रताप देवकाते, प्रकाश दंदाडे, दादाराम म्हस्के, होमगार्ड नामदेव नेवसे यांनी पार पाडली.

यामुळे झाला खून (Murder)

संगीता जाधवचा १८ वर्षांपूर्वी कर्जत येथील नितीन फुलचंद जाधव याच्याशी विवाह झाला होता. नितीन हा सारस सुरवसे याच्याकडे बिगारी काम करत होता. त्यामुळे संगीता ही सारसच्या घरी यायची. त्यातून दोघांची ओळख झाली. “नितीन दारू पिऊन त्रास देतो,” असे संगीता त्याला सांगायची. यातून दोघांत प्रेम वाढत गेले. पुढे संगीता तिच्या दोन मुलांसह सारसच्या घरी राहायला आली. सारस, संगीता व तिची दोन मुले हे सर्व चार वर्षांपासून पानमळा (ता. खेड, जि. पुणे) येथे राहत होते. संगीताची आई भामाबाई २ फेब्रुवारीला पानमळाला आल्या होत्या. तेव्हा सारस हा संगीताला चारित्र्याच्या संशयावरून त्रास देत असल्याचे त्यांना दिसले. भामाबाई यांनी ही हकीकत केडगावमधील त्यांच्या मुलीला सांगितली. “सारस सध्या बेरोजगार आहे. म्हणून चारही जणांना घेऊन मी केडगावला येते,” असे भामाबाईंनी सांगितले. त्यानुसार त्या सारस, संगीता व मुलांसह केडगावला आल्या. सारस हा नगरमध्ये मजुरीचे काम करू लागला. सारस नेहमी प्रमाणे सोमवारी (ता. २४) सकाळी कामावर गेला आणि सायंकाळी सहा वाजता घरी आला. त्यानंतर सर्वांनी एकत्र जेवण केले. सारस व संगीता हे दोघे झोपण्यासाठी खोलीत गेले. रात्री साडेदहा वाजेच्या सुमारास खोलीतून ओरडण्याचा आवाज येऊ लागला. संगीताच्या बहिणीने दरवाजा उघडण्याचा प्रयत्न केला. त्याने दरवाजा उघडला नाही. तेव्हा तिने दरवाजावर जोरात धक्के देण्यास सुरुवात केली. त्यामुळे सारसने दरवाजा उघडला. तेव्हा सारसने सांगितले की, “संगीता स्वतः साडीने छताच्या अँगलला साडी बांधून गळफास घेत होती.” मात्र, संगीता ही जमिनीवर बेशुद्ध पडल्याचे तिच्या बहिणीला दिसून आले. तेव्हा तिने सारसला विचारले की, “तू माझ्या बहिणीला काय केले?” यावर संगीताच्या बहिणीला लाथ मारून तो घरातून पसार झाला. त्यानंतर संगीताला उपचारासाठी रुग्णालयात दाखल केले असता डॉक्टरांनी तिला मृत घोषित केल्याचे फिर्यादीत म्हटले आहे.