नगर : प्रेमात सर्वकाही माफ असते. ज्यावेळी आपण एखाद्या व्यक्तीवर प्रेम करतो तेव्हा ते जात,धर्म आणि पंथ पाहून नक्कीच होत नाही. मात्र,आजही आंतरजातीय विवाहाला (Intercast Marriage) समाजाकडून आणि कुटुंबियांकडून जोरदार विरोध होतो. हा विरोध इतका जास्त वाढतो की,थेट हत्या केल्या जातात. नुकतीच नांदेडमध्येही (Nanded Crime) अशीच थरकाप उडवणारी घटना घडली. एक तरुण आणि एका तरुणीच्या आयुष्याने भयंकर वळण घेतले. त्यांच्या प्रेमसंबंधांना मुलीच्या घरच्यांचा प्रचंड विरोध होता. कुटुंबीयांनी धमकी देऊन दोघांना समजावून सांगितले होते. मात्र,दोघांचं एकमेकांवर इतके जास्त प्रेम होतं की, ते विभक्त होऊ शकत नव्हते. आचल मामीलवाड (Achal Mamilwad) आणि सक्षम ताटे (Saksham Tate) अशी दोघांची नावे आहेत.
नक्की वाचा : एलपीजी,पेन्शन ते विमान प्रवास,१ डिसेंबरपासून लागू होणार मोठे बदल
नेमकं काय घडलं ? (Nanded Crime)
आचल मामीलवाडच्या वडिलांनी आणि भावाने इतर काही जणांसोबत मिळून सक्षमवर तीन गोळ्या झाडल्या. त्यानंतरही सक्षम पळून जात होता, त्यामुळे थेट त्याच्या डोक्यात फरशी घातली आणि जागीच सक्षमचा जीव गेला. या प्रकरणात एका मागून एक मोठे खुलासे होताना दिसत आहेत. सक्षमच्या मृत्यूनंतर आचल मामीलवाड थेट त्याच्या घरी पोहोचली आणि तिने थेट त्याच्या मृतदेहासोबतच लग्न केले. सक्षम मृत्यूनंतरही जिंकला आणि माझे कुटुंबिय हरल्याचे आचलने म्हटलय. आयुष्यभर सक्षमच्या घरी त्याची पत्नी म्हणून राहणार असल्याचे सांगत आचल हिने एकच टाहो फोडला. अंत्यविधी पूर्वी सक्षमच्या मृतदेहासमोरच त्याच्या नावचे कुंकूही तिने कपाळावर लावले.
आता या प्रकरणात खळबळजनक माहिती पुढे येत आहे. सक्षमची हत्या करण्याच्या दोन तास अगोदरच आचलही आई जयश्री मामीलवाड ही सक्षमच्या घरी गेली होती. तिथे जाऊन तिने त्यांना धमकी दिली होती आणि आमच्या पोरीपासून दूर रहा, असे सांगितले होते. मामीलवाड यांच्या घरी कायमच सक्षम जात होता. तो आचलच्या भावाचा मित्र होता. मात्र,यांच्या प्रेमसंबंधांबद्दल आचलच्या घरच्यांना कळाल्यानंतर एकच खळबळ उडाली आणि आचलच्या वडील आणि भावाने मिळून त्याचा खून केला. पोलिसांनी या प्रकरणी कारवाई करत अवघ्या बारा तासांत सर्व आरोपींना ताब्यात घेतल आहे.
अवश्य वाचा: भाजपची विचारधारा ही सर्वधर्म भेदभावाची ;अमित देशमूख यांचे भाजपवर टीकास्त्र
‘सक्षमच्या मारेकऱ्यांना फाशीची शिक्षा व्हावी’ (Nanded Crime)
वडील आणि दोन भावांविरोधात आचलने पोलिसांना साक्ष दिली. सक्षमच्या मारेकऱ्यांना फाशीची शिक्षा व्हावी, अशी मागणी तिने केली आहे. तर मी आंचलला मुलगी मानणार नाही. तर माझा मुलगाच मानणार अशी प्रतिक्रिया सक्षमची आई संगिता ताटे यांनी दिली. माझ्या मुलाचे सर्व हक्क मी दिला देणार. आयुष्यभर तिची साथ सोडणार नाही, असा शब्दही सक्षमच्या आईनं दिला.
