Narendra Modi : नगर : पंतप्रधान नरेंद्र मोदी (Narendra Modi) यांच्या हस्ते आज (२८ नोव्हेंबर) दक्षिण गोव्यामधील गोकर्ण जीवोत्तम मठात प्रभू श्री रामांच्या (Lord Shri Ram) ७७ फुटांच्या कांस्य पुतळ्याचं (The tallest bronze statue in the world) अनावरण करण्यात आलं आहे. यावेळी मठाच्या केंद्रीय समितीचे अध्यक्ष श्रीनिवास डेम्पो यांच्यासह आदी दिग्गज मंडळी उपस्थित होते. प्रभू श्री रामाचा हा पुतळा शिल्पकार राम सुतार (Ram V. Sutar) यांनी बनवला असून हा पुतळा जगातील सर्वात उंच असणार आहे.
अवश्य वाचा: काँग्रेस जिल्हाध्यक्ष सचिन गुजर यांच्यावर गुन्हा दाखल; छत्रपती शिवाजी महाराजांचा अवमान केल्याचा आरोप
विकसित भारताच्या स्वप्नासाठी संकल्प
प्रभू श्री रामाच्या ७७ फुटांच्या कांस्य पुतळ्याचा अनावरण सोहळा पार पडल्यानंतर पंतप्रधान नरेंद्र मोदी यांनी जनतेला संबोधित करताना काही महत्वाची आवाहने केली आहेत. या आवाहनांमध्ये स्वदेशी उत्पादनांच्या अवलंबाचा वापर ते नैसर्गिक शेती आणि विकसित भारताच्या स्वप्नासाठी संकल्पाचा समावेश आहे.
नक्की वाचा : एआयने बनवलेले व्हिडिओ नेमके कसे ओळखायचे? जाणून घ्या…
‘रामायण थीम पार्क’चे पंतप्रधानांनी केले उद्घाटन (Narendra Modi)
मठाकडून बांधण्यात आलेल्या ‘रामायण थीम पार्क’चे पंतप्रधानांनी उद्घाटनही केले. तसेच एक विशेष टपाल तिकिट आणि एक स्मारक नाणेदेखील जारी केले. गोव्याचे सार्वजनिक बांधकाम विभागाचे मंत्री दिगंबर कामत म्हणाले, भगवान रामाची ही मूर्ती गुजरातमधील ‘स्टॅच्यू ऑफ युनिटी’ (सरदार पटेलांचा पुतळा) डिझाइन करणारे शिल्पकार राम सुतार यांनी तयार केली आहे. ही भगवान रामाची जगातील सर्वात उंच मूर्ती आहे. कार्यक्रमात गोव्याचे राज्यपाल अशोक गजपती राजू आणि मुख्यमंत्री प्रमोद सावंत उपस्थित होते. या कार्यक्रमापूर्वी पंतप्रधान नरेंद्र मोदी हे कर्नाटकातील उडुपी येथील श्रीकृष्ण मठात गीता पारायण कार्यक्रमात सहभागी झाले. त्यानंतर त्यांनी रोड शो केला. पंतप्रधानांनी कृष्ण मंदिरासमोरील सुवर्ण तीर्थ मंडपमचं उद्घाटन केलं.
