Narendra Modi : नगर : लाेकसभा निवडणुकीच्या (Lok Sabha Elections) पार्श्वभूमीवर पंतप्रधान नरेंद्र माेदींचे (Narendra Modi) राज्यभर दाैरे हाेत आहे. मंगळवारी (ता. ७) राेजी महायुतीचे उमेदवार डाॅ. सुजय विखे (Sujay Vikhe) पाटील यांच्या प्रचारानिमित्त माेदी यांची नगरमध्ये ताेफ धडाडणार आहे. त्यामुळे ते काेणावर निशाणा साधणार याची उत्सुकता आहे.
हे देखील वाचा: मी यादी दिली, तर फिरणं मुश्किल हाेईल; शरद पवारांचा धनंजय मुंडेंवर जाेरदार हल्लाबाेल
पंतप्रधान मोदी हे चौथ्यांदा नगरच्या भूमीत
पंतप्रधान नरेंद्र मोदींची सभा येत्या ७ मे रोजी नगरमधील संत निरंकारी भवन जवळचे मैदान, सावेडी येथे सांयकाळी ४ वाजता पार पडणार आहे. अशी माहिती भाजपचे जिल्हाध्यक्ष दिलीप भालसिंग यांनी दिली आहे. सध्या प्रचार अखेरच्या टप्प्यात आल्याने सर्वांना या सभेचे वेध लागले आहे. पंतप्रधान मोदी हे चौथ्यांदा नगरच्या भूमीत येत आहेत.
नक्की वाचा: देशात उष्णतेचा स्फोट! ‘या’ राज्यात आठ दिवस राहणार उष्णतेची लाट
निरंकारी मैदान येथे मोदींच्या सभेची जय्यत तयारी (Narendra Modi)
नगरच्या निरंकारी मैदान येथे पंतप्रधान मोदींच्या स्वागताची जय्यत तयारी सुरू आहे. नगरकरांचे पंतप्रधान नरेंद्र मोदी यांच्यावर विशेष प्रेम असून त्यांना ऐकण्यासाठी लोकांची मोठ्या प्रमाणात गर्दी लोटणार असून त्याचे नियोजन करण्यात सर्व महायुतीचे घटक पक्ष काम करत असल्याचे भालसिंग यांनी सांगितले.
